掃呢頁CODE去手機

2015年9月5日 星期六

Super girls濕身夜跑 一個抽筋一個肚痛





其他影片:>>






一向跳得又fit爆嘅女子組合Super girls(SG),練跑練咗成個月,一時跑運動場,一時跑山,咁落力,原來係為咗9月尾參加10公里馬拉松挑戰賽!

佢哋每次練習,地點都會唔同,今次Super Girls就去咗彩虹斧山道運動場夜跑,成員吳嘉熙(Cheronna)、趙慧珊(Aka)、蔡明芳(Jessica)同陳穎欣(Yanny)都有去,不過另一成員李靜儀(Heidi)就因為病咗冇嚟到,五缺一喎。

呢個訓練隨咗不停轉地點,每次仲會有一大班人一齊跑,個個都有跑開步,Super Girls想偷懶都冇咁易呀!佢哋喺運動場跑咗幾圈,熱晒身喇,再影埋合照,就齊齊出發去跑山。夜晚天氣依然幾熱吓架,又上斜落斜咁,Super Girls頂唔頂得順呢?

《壹》仔搵咗幾句成員訪問,Aka同Yanny身子較弱,Aka跑咗幾圈,右腳就有少少抽筋;至於Yanny就跑到「小奄痛」,四人之中,原來吳嘉熙最fit,快其他成員成個圈,而Jessica就話,因為訓練而識多咗朋友。

離9月尾仲有大半個月時間,Super Girls,加油呀!
鍾意就快D Share啦!