掃呢頁CODE去手機

2015年10月15日 星期四

食得唔好嘥 陳展鵬速食姣嘉莉 [壹週刊 - 1336] 陳展鵬,陳展,M1,



出名夠姣又夠電力的傅嘉莉,對男人相當有辦法,極速冧掂陳展鵬。

探熱針

食得唔好嘥 陳展鵬速食姣嘉莉

以「處女」自封的陳凱琳,被揭發同鄭嘉穎拍拖前曾經和合作《張保仔》的陳展鵬暗撻,最後因為嫌對方中學雞學歷低,三個月即撇,雙方搞到反面收場。

不過一雞死一雞鳴!據知,去年底《張保仔》到橫店拍外景期間,剛被狠飛的陳展鵬決定「搵女療傷」,目標是熱情主動又夠姣的傅嘉莉,結果一拍即合,兩人在橫店打得火熱,入夜後,經常一齊消失,至今依然黐住。

被嫌棄狠飛

對好多大台小生來講,開工拍劇等同「覓食」良機。《張保仔》開拍初期,識食陳展鵬鎖定處女港姐陳凱琳,以對方是拍劇新丁,呵護備至,教做戲又經常接載收工,二人秘密拍拖消息,傳遍整個劇組;可惜這段急速煲之戀快來快去,劇集拍到一半,陳展鵬對陳凱琳態度突然一百八十度急轉,又經常當住工作人員面前,大彈對方戲屎阻收工,兩人匿埋密斟的畫面,從此不再。

原來陳凱琳嫌陳展鵬讀書少,難溝通又配唔起自己,唔想嘥彈藥的她即時斬纜,陳展鵬冇面兼覺被玩,因愛成恨。

事實上,《張保仔》劇中另一女主角傅嘉莉拍劇期間亦成日搵機會黐住陳展鵬,撩玩撩傾偈,可惜初期陳展鵬眼中只有陳凱琳,未有理傅嘉莉的熱情攻勢。

最近的宣傳活動,陳展鵬都指定要拍住傅嘉莉,避開陳凱琳。

傅嘉莉成日諗計氹陳展鵬開心,而陳展鵬亦表現得十分受落。

唔使埋位,兩人成日玩影合照,親密攬住又有,作狀扮錫都有,總之就形影不離。

等埋位時,兩人永遠坐埋一齊傾偈談心。

主動黐埋身

其後,陳展鵬被飛,去年十一月到橫店一個月拍外景時,情況立即有變!

「喺橫店嗰段時間,煎 Pang同 Kelly(傅嘉莉)有好多對手戲,佢哋成日都一齊,有時見到煎 Pang心情唔靚, Kelly會諗辦法氹番佢開心,大家坐埋傾偈, Kelly又會挨身挨勢;有女餵埋自己個口,煎 Pang當然受落,雖然明知 Kelly有個肥叔叔大水喉,不過玩吓解吓悶,所以都冇乜所謂。」一名劇組幕後工作人員說。

在橫店頭幾日,傅嘉莉有跟大隊收工後外出食飯購物。

有樣有身材的傅嘉莉,除了是小生殺手外,更是富豪殺手,認識不少富商。

收工同失蹤

初到橫店開工幾日,收工後傅嘉莉都有跟大隊外出晚飯,但幾日後,她就經常以不同理由離隊,至於陳展鵬,收工後亦一定返酒店唔出街。

「煎 Pang同 Kelly間房其實距離都好遠,不過亦有唔少工作人員見過 Kelly喺個男人間房嗰邊出嚟,見到同事,個樣仲尷尷尬尬咁,大家都知乜事啦。」工作人員說。

到近期宣傳劇集,陳展鵬每次都指定要拍住傅嘉莉一齊做,更隔絕陳凱琳,活動上,兩人不時公然打情罵俏,陳展鵬聲稱好回味被傅嘉莉從後攬住騎馬的一幕,又開晒口話恨同對方拍床戲,「佢(傅嘉莉)好有經驗(拍床戲),下次可以摸埋佢屁股。」陳展鵬毫無避忌說。

拍《衝上雲霄 II》時,有指傅嘉莉搭上吳卓羲,兩人拍了一陣散拖。

去年傅嘉莉被影到有馬拉已婚富商埋單陪 shopping,之後兩人更在的士內激嘴連場。

(《蘋果日報》圖片)

拍劇撻着

藝人拍劇時間長,男女朝夕相對,好易出事。

郭羨妮 古天樂

00年,古天樂在涿州拍《尋秦記》,有指他對當時被力捧的出爐港姐索羨妮大獻殷勤,更試過雙雙神秘失蹤 16小時,有指二人匿埋在酒店房纏綿。

周麗淇 徐正曦

13年,在橫店拍古裝劇《大漢賢后衞子夫》時,周麗淇跟細自己五年的同劇演員徐正曦火速撻着,拍拖兩年,二人聚少離多,分手收場。

梁靖琪 吳卓羲

11年,與闊少黃敏豪拉埋天窗的梁靖琪( Toby),婚後一年到海南島拍《衝上雲霄 II》期間,穿著性感泳衣晒 E胸的她,與同劇吳卓羲半夜潛入已關閉的酒店泳池,又攬又摸,埋身肉搏,水戰情況俾多間傳媒直擊,激怒夫家,成為離婚導火線。

陳凱琳 鄭嘉穎

今年 4月,鄭嘉穎與陳凱琳孖住出發荷蘭拍攝無綫新劇《殭》撻着,其間有指女方不時等鄭嘉穎收工,二人又經常離隊,其後陳凱琳被拍到於男方家過夜斷正,關係正式公開。

撰文、攝影、攝錄:娛樂組

鍾意就快D Share啦!