掃呢頁CODE去手機

2015年11月7日 星期六

真係做完《愛‧回家2》? 傳出年3月停播



真係做完《愛‧回家2》? 傳出年3月停播

2015-11-07 19:14:00



出年三月,真係會做完《愛‧回家2》?

大台嘅內部依家就好亂,高層大地震、藝員又不停咁走、網上嘅負評又越嚟越多,今日仲有周刊報道指,話《愛‧回家2》真係要講bye bye喇。

報道指曾勵珍一向都掌管處境劇,不過最近大地震,雖然佢職銜冇變,但工作性質就變咗,好似顧問咁,而佢監製嘅《愛‧回家2》,有傳因為收視低迷,加上負評如潮,故一再傳出停播,最新消息係出年三月,就真係做完《愛‧回家》喇。

其實《愛‧回家2》啱啱播出嘅時候,搵咗黃翠如同張繼聰上陣,但佢哋兩個就只係客串,過一排就唔見咗佢哋,早前又話十一月《愛‧回家》嘅馬家回歸拍攝,但馬家諸君各散東西有劇拍緊,一路都未有期。至於網民嘅負評,一開始呢,就多到不得了,到咗依家,就連討論都冇。

講真,《愛‧回家》最捧場嗰班,都係大陸觀眾,年年都搞《愛‧回家》fans聚會,邀請大陸觀眾來港參觀電視城兼同劇中一班演員聚會、送下小禮物咁樣樣,但喺依家就連微博,都唔見有好多強國網民討論。所以,停播都真係有跡可尋嘅。

鍾意就快D Share啦!