田蕊妮胡定欣「神同步」雙贏視后
《TVB馬來西亞星光薈萃頒獎典禮2015》昨晚圓滿落幕，各獎項名花有主，由「星和」視帝陳展鵬再度稱帝，至於合作無間的田蕊妮及胡定欣以雙視后的賽果齊奪女主角獎，男女配角則由袁偉豪及姚子羚奪得， 而「最佳劇集」落入《張保仔》之手。林夏薇雖然失落女配，卻上演人妻大解放，以性感晚裝大晒逼爆上圍，輕易「線」低一眾女星搶「峰」頭！
雙雙封視后的田蕊妮戥拍檔定欣開心，在台上開口不離對方。
拍劇已13年的胡定欣首次登上視后寶座。
黎耀祥失落視帝，卻奪得「最喜愛TVB電視角色」獎。
朱千雪（左起）、出爐男配袁偉豪與黃智雯Chok到上台。
姚子羚奪得「最喜歡TVB女配角」獎後喜極而泣！
臨近年尾，歌影視各界都紛紛派成績表，而被喻為台慶頒獎禮前哨戰的《TVB馬來西亞星光薈萃頒獎典禮2015》昨晚隆重舉行！身在沖繩拍攝《巨輪II》的陳展鵬憑《張保仔》大熱勇奪視帝，他透過視像訪問發表得獎感受：「多謝TVBI、Astro、多謝《張保仔》劇台前幕後所有人！多謝日日投票畀我嘅馬來西亞Fans！」他表示會保持謙虛心態。至於三奪台慶視帝的黎耀祥則獲頒其中一個「最喜愛TVB電視角色」，總算力挽狂瀾！
「女配」姚子羚感動落淚
爭持激烈的視后寶座一直引起全城關注，當中以《鬼同你OT》兩位女主角胡定欣及田蕊妮的呼聲最高，早在表演環節重現「神同步」的兩人，最終雙雙「神同步」奪得「最喜愛TVB女主角」！兩人在台下獲悉賽果後即相擁而泣，上台後更「神同步」爆喊，阿田首先喊住講：「真係好開心！其實今次有啲壓力，驚贏咗定欣會唔開心，定欣好努力，佢應得！」她又感謝老公杜汶澤，更興奮高呼：「I Love You！」定欣則說：「冇諗過會係咁嘅結果，大家都知我入行係想唱歌，但一拍就拍咗13年，我今日能夠企上呢個台真係要多謝田蕊妮，多謝珍姐，多謝屋企人！」
袁偉豪憑《拆局專家》的出色演技，撼贏張繼聰及楊明奪得「最喜歡TVB男配角」，他發表得獎感言時隔空向女友岑杏賢（Jennifer）發表愛的宣言：「我真係諗唔到，好Surprise！多謝各位投票嘅朋友！最後要特別多謝我好朋友Jennifer！」女配角獎則由姚子羚憑《四個女仔三個BAR》奪得，大露背的她甫上台即標淚，更邊哽咽邊說：「我一上台就喊，好感動！因為我企喺呢個台度見到好多好姊妹，同定欣、Selena（李施嬅）佢哋一齊攞獎！」當她為「對手」林夏薇的火鍋店公開宣傳時，林夏薇即在台下向她派飛吻。
袁偉豪憑《拆局專家》的出色演技，撼贏張繼聰及楊明奪得「最喜歡TVB男配角」，他發表得獎感言時隔空向女友岑杏賢（Jennifer）發表愛的宣言：「我真係諗唔到，好Surprise！多謝各位投票嘅朋友！最後要特別多謝我好朋友Jennifer！」女配角獎則由姚子羚憑《四個女仔三個BAR》奪得，大露背的她甫上台即標淚，更邊哽咽邊說：「我一上台就喊，好感動！因為我企喺呢個台度見到好多好姊妹，同定欣、Selena（李施嬅）佢哋一齊攞獎！」當她為「對手」林夏薇的火鍋店公開宣傳時，林夏薇即在台下向她派飛吻。
另外，「飛躍進步男、女藝員」分別由楊明及朱千雪奪得，前者發表得獎感受時指這個獎是他入行以來的第一個獎：「TVB將我由零帶到嚟呢度，TVBI就帶我嚟馬來西亞！」朱千雪則繼上月《星和無綫電視大獎》後再奪飛躍進步獎，擊敗蔡思貝、陳凱琳及黃心穎等勁敵，她在台上說：「第一次嚟馬來西亞攞獎，好有意義！多謝一直以嚟夠膽用我嘅監製潘嘉德同林志華，冇佢哋畀咁多機會我就冇機會拎獎。」
林夏薇「峰」殺全場
適逢大型頒獎禮，一眾女星例牌「戰鬥格」登場，爭獎之餘亦要搶「峰」頭！昨晚的頒獎禮索女傾巢而出，當中以鍾嘉欣、楊怡及林夏薇成功「彈」出，嘉欣更率先與視帝黎耀祥孖公仔行紅地氈，盡顯地位，她身穿一襲設計似婚紗的白色晚裝，中門大開，高貴之餘又不失性感！楊怡則以鮮紅低胸貼身裙「出戰」，大騷弗爆的迷人身段，再大晒3吋事業線，艷光四射！力抗楊怡的人妻林夏薇以純白晚裝上陣，谷盡3吋半事業線，「峰」殺全場！
文：專案組
雙雙封視后的田蕊妮戥拍檔定欣開心，在台上開口不離對方。
拍劇已13年的胡定欣首次登上視后寶座。
黎耀祥失落視帝，卻奪得「最喜愛TVB電視角色」獎。
朱千雪（左起）、出爐男配袁偉豪與黃智雯Chok到上台。
姚子羚奪得「最喜歡TVB女配角」獎後喜極而泣！
|
鍾意就快D Share啦！
|
|
|
