Rosemary拋胸舞孃單身最後一激
下月出嫁的混血名模Rosemary前晚獲伴娘貝安琪安排神秘bridal shower，以舞孃為主題。Rosemary穿上超性感束胸衣，以舞孃造型上陣，玩到又喊又笑的她，之後直落唱K擘住一字馬唱歌，high到爆！
準新娘Rosemary已定於周四（12月3日）出發往印度，與印度裔富商男友Jason的婚禮作準備，結婚在即的她前晚到其中一位好姊妹位於半山的寓所晚飯，事前貝安琪要求她穿束胸衣及戴假髮，Rosemary到達一刻才知道是自己的bridal shower，她說：「開頭以為淨係嚟我婚禮嘅姊妹出席，但原來佢哋搵晒我啲好朋友一齊嚟，好開心，舞孃呢個dress code我好鍾意。」
與「變性男」辣舞
前晚特別安排一名男扮女裝的舞蹈員跟Rosemary大跳辣身舞，之後玩「心有靈犀」遊戲，事前各姊妹要求Jason回答20條問題並拍成影片，要Rosemary回答問題，其中一條問：「Jason在Rosemary身上發生最尷尬的事？」Rosemary答：「Jason曾經飲醉酒後嘔喺我心口。」可惜答錯！最後共答錯七題，Rosemary慘被罰飲紅酒、香檳和燒酒，她說：「最sweet一題係叫佢用一句句子嚟形容我，我嘅答案係玫瑰，佢嘅答案係一朵永遠盛放嘅花。呢個遊戲好sweet，因為有啲說話佢從來冇喺我面前講過。」她很感激姊妹們的用心，工作忙碌的Jason竟能在她不知情下拍好片段，由於未婚夫在不同場合拍攝，故每個答案也以不同造型出現，有時更是做瑜伽期間，甚為搞笑。
之後Rosemary與好友轉場到銅鑼灣唱K，愈夜愈High的她擘住一字馬唱歌，玩到凌晨3時才盡興而回。Rosemary自爆前晚又笑又喊：「真係好感動，希望尋晚喊完，到結婚嗰日唔好喊啦。」問她收到甚麼禮物？她賣關子笑言：「好私人嘅嘢，唔答啦。（性感內衣？）係naughty嘅禮物，哈哈。」
陳嘉容送香檳杯
有份出席婚前派對的名模陳嘉容笑言知道要扮舞孃時已滴汗，她說：「未試過扮舞孃，但同呢班外籍女仔幾好玩，（有冇三級表演？）佢哋請咗個男人扮女人嘅舞蹈員嚟同Rosemary跳咗part辣身舞，不過唔三級，好好笑。」她送上一對香檳杯給新人，寓意成雙成對。
而社交名人黎曉靈則是Rosemary的姊妹團，她爆Rosemary感動到攬着她喊：「三號我會陪佢飛印度做姊妹，初時佢唔好意思叫我做姊妹，因為知我近排身體唔好，但我一早買定機票，仲做定印度服出席添。」她表示前晚唯一出了小意外，就是入K房時，其中一個女仔被跌下的燈箱撞傷頭，老闆為表歉意即請大家飲酒！
文：名人組
|
鍾意就快D Share啦！
|
|
|
