林國斌演協出手投遺物 守護阿梅最後尊嚴
樂壇天后梅艷芳遺產管理人匯豐信託，近日將她最後一批遺物包括內衣褲等拍賣，令黃秋生、譚耀文及阿梅的歌迷怒轟侮辱阿梅。為力保阿梅最後尊嚴，曾志偉、苗僑偉、阿梅舊愛林國斌等與演藝人協會商討對策，考慮聯名反對拍賣繼續進行，或夾錢競投阿梅所有遺物。林國斌昨更爆粗怒斥今次拍賣：「唔知邊個諗啲咁嘅嘢出嚟，俾我知道，實XX佢！」
繼前年梅艷芳逾四百件遺物被拍賣後，其遺產管理人匯豐信託上周四開始舉行一連十三日的「Last but not Least─最後芳華」網上拍賣會，將阿梅最後一批遺物拍賣，所得款項用作梅媽覃美金生活費等支出，而今次三千一百二十六件拍賣品中，除有新秀金獎及手袋服飾外，竟連阿梅的胸圍內褲也拿出來拍賣，所有拍賣品底價由一百元至一萬元起，令阿梅的歌迷及徒弟怒斥此舉對阿梅是極大侮辱。
據本報了解，阿梅生前一班好友包括曾志偉、苗僑偉和其舊愛林國斌等，為力保阿梅尊嚴，決定與演藝人協會聯手急謀對策，包括考慮聯名力阻拍賣繼續進行，又或是夾錢競投阿梅所有遺物，然後好好保存。據悉志偉已聯絡演協會長成龍及林建岳相助。前年阿梅遺物首度拍賣，志偉便與苗僑偉和張學友等以歌迷會名義，花一百多萬投得阿梅六十七座獎座，力保阿梅遺物。
■梅艷芳遺產管理人近日因拍賣她的內衣褲等遺物，惹來全城怒轟侮辱阿梅。
■林國斌為舊愛梅艷芳的內衣褲被拍賣而極度憤怒。
■阿梅多年來在樂壇所獲獎項幾乎全都成為拍賣品。
■志偉出手護阿梅尊嚴，梅媽昨表示支持。
資料圖片
「最緊要買番內衣褲」
林國斌昨在電話中承認有此行動：「聽到拍賣阿梅獎項同內衣褲，好反感好嬲！咁做法係傷害咗所有愛錫阿梅嘅人。我聯絡咗志偉，𠵱家傾緊大家夾錢買番啲獎，志偉話最緊要買番啲內衣褲，因為呢啲係好私隱嘅嘢，代表住阿梅嘅尊嚴。我唔知邊個諗啲咁嘅嘢出嚟，都唔係人嚟㗎，俾我知道實XX佢！人都死咗，有冇諗過咁做法對死者好唔尊重？志偉已經聯絡咗成龍，佢哋仲搵埋林建岳等同律師研究吓點做，係咪可以阻止拍賣，聯名向遺產管理人提出反對。最差嘅辦法係演藝人發起夾錢買番呢啲拍賣品番嚟，睇吓買得幾多得幾多。」
梅媽願畀錢買回獎座
身為演協秘書長張崇德，指現時還未有定案，一切待志偉返港後再商討，他說：「連私人物品都要賣埋出嚟，個個都唔開心，但知道遺產管理人要支付費用，呢個亦係冇辦法改變，所以𠵱家了解要支付啲乜嘢錢，同埋牽涉幾多錢。」
梅媽昨對演協出手相助保留阿梅遺物表示支持，希望可以保留一個阿梅獎座及貼身物品作紀念，她又激動地說：「我作為佢阿媽，想保留一個獎座都冇，我呼籲大家唔好搶到咁貴。我願意拎錢去買番。」
採訪：魯吉、鍾國仁、陳杰
意義重大：新秀獎座離奇搵番
梅艷芳當年憑《風的季節》奪得第一屆新秀金獎，但在2013年拍賣時失去蹤影，當時連阿梅生前密友兼歌迷會會長蘇小姐直認不諱：「唔知喺邊，可能唔係放喺佢屋企，冇咗呢個獎都覺得可惜，會了解吓。」梅媽曾表示不知新秀金獎下落：「所有嘢都放晒喺佢屋企，邊個攞啫？咪又係嗰班人！」不過在今次拍賣中，該獎項離奇出現，成為拍賣品之一。
|
鍾意就快D Share啦！
|
|
|
