掃呢頁CODE去手機

2015年12月11日 星期五

【婚前露出真面目】胡杏兒馬賽李施嬅胡定欣素顏look逐個捉 __,杏兒,馬賽,胡定欣,定欣,李施嬅,李詩韻,胡杏兒,

今個月28號就係胡杏兒同男友Phil結婚大日子,待嫁新娘通常都會約埋班姊妹舉行婚前派對,傾下心事或者交流下御夫心得咁。成日中港兩邊飛嘅胡杏兒,忙到冇時停,但呢個婚前姊妹P咁重要,幾忙都好,都要擠啲時間出嚟,成班姊妹一齊出埠,男士止步(好似係)。方才胡杏兒貼咗呢輯姊妹P嘅相,寫道:「謝謝我的好姊妹們,謝謝你們為我安排的Bacheloretteparty,沒想到大家這麼忙最後還是能夠成行,雖然只是數天 ...




其他影片:>>






今個月28號就係胡杏兒同男友Phil結婚大日子,待嫁新娘通常都會約埋班姊妹舉行婚前派對,傾下心事或者交流下御夫心得咁。成日中港兩邊飛嘅胡杏兒,忙到冇時停,但呢個婚前姊妹P咁重要,幾忙都好,都要擠啲時間出嚟,成班姊妹一齊出埠,男士止步(好似係)。

方才胡杏兒貼咗呢輯姊妹P嘅相,寫道:「謝謝我的好姊妹們,謝謝你們為我安排的Bachelorette party,沒想到大家這麼忙最後還是能夠成行,雖然只是數天,但已經很有開心,希望以後我們還有很多很多這樣在一起的機會,猜猜誰是下一位吧。」之後再逐一感謝同行姊妹,包括胡定欣、李施嬅(Phil舊愛)、馬賽、黃智雯、人妻胡蓓蔚、姚子羚等等,最後寫道:「在心中,期待28/12!!」

成輯相當然都係吃喝玩樂咁啦,最吸引嘅,當然唔係啲食物有幾好味,而係——呢班好姊妹兼大台(前)花旦嘅素顏look。

卸咗妝除低黑超回復真我,大家仲認到邊個打邊個?

至於視后大熱嘅胡定欣,今日出席Yahoo一個頒獎禮時,就話成班好姊妹飛咗去台灣四日遊玩,定欣話自己係後join,玩咗三日兩夜,佢話呢個trip都好開心。

講到杏兒貼咗佢哋素顏照出嚟,定欣表示:「係咩?我哋個個天生麗質,冇所謂。」問到個trip玩過乜?佢話:「留返新娘子自己講,仲有兩星期就到佢大日子,我哋會扮靚啲,到時陪佢出嫁。」

分唔分到邊個打邊個? 出發lu!
唔化妝做自己
又係食
繼續都係食 惹火兔女郎

鍾意就快D Share啦!