澳門賭業猛人周焯華（洗米華）雖然已經有家室，但佢上個星期四晚都唔理咁多，公然喺半百傳媒追蹤之下高調拖住女友MandyLieu返愛巢，完全當正印洗米嫂陳慧玲（Heidi）冇到，做到咁絕，洗米嫂咪唯有離場，宣布離婚！Mandy返嚟搞完一場大龍鳳，洗米華噚日就陪仔女飛去日本旅行，佢自己今日都走埋！Mandy經理人公司都証實佢已離港。聽Mandy啲閨蜜講，洗米華平安夜陪仔女去完旅行，當晚佢又會飛走去搵埋M ...
澳門賭業猛人周焯華（洗米華）雖然已經有家室，但佢上個星期四晚都唔理咁多，公然喺半百傳媒追蹤之下高調拖住女友Mandy Lieu返愛巢，完全當正印洗米嫂陳慧玲（Heidi）冇到，做到咁絕，洗米嫂咪唯有離場，宣布離婚！Mandy返嚟搞完一場大龍鳳，洗米華噚日就陪仔女飛去日本旅行，佢自己今日都走埋！Mandy經理人公司都証實佢已離港。
聽Mandy啲閨蜜講，洗米華平安夜陪仔女去完旅行，當晚佢又會飛走去搵埋Mandy出埠過聖誕同元旦，洗米華好錫佢，今次咁公然喺傳媒面前拖佢手，主要係覺得Mandy幫佢連女都生埋，點都唔可以冇名冇份咁委屈，所以點都要高調咁做啲嘢，等佢開心啲！洗米華呢次錫晒佢，係就係0氹到女友好高興，但另一邊Heidi就俾佢傷得好重，所以洗米華身邊啲好友、長輩都鬧爆佢，話佢唔應該一啲面都唔留俾老婆。
雖然近來不停有長輩想做調停人，勸佢倆公婆唔好離婚，繼續維擊家庭，唔好畀仔女喺破碎家庭成長，但洗米嫂同身邊朋友講，話老公嘅所作所為已經超出佢可以接受嘅底綫，所以離婚係唯一出路，咁樣雙方仲可以保持一個朋友關係，睇嚟今次洗米嫂真係心死，所以先會同朋友講到咁決絕。
財經界粗略計過洗米華身家約有14億左右，根據澳門離婚法例，佢哋離婚，女方未必分到佢一半身家，需要協商，不過估計4、5億應該可以攞到，洗米嫂分完家後可以好好過自己生活
洗米嫂同身邊朋友講，話老公嘅所作所為已經超出佢可以接受嘅底綫。 
