太陽娛樂老闆洗米華與混血模特兒Mandy搞婚外情搞到家變，大前日Mandy強勢回港，洗米華竟高調與她世紀拖手，完全不留情面給正印Heidi，啞忍多時的Heidi終於宣佈已委托律師辦離婚。據知情人士透露，Mandy之前透過模特兒公司拍檔李月放風聖誕返港，洗米華亦不阻止，皆因盛傳Mandy再懷「華種」，故當晚洗米華相當緊張，就算被大量傳媒包圍，他都要拖實女友，不讓Mandy再在外地過秘密小三生活。
Mandy大前日返港時一身黑衫黑褲「保護色」包到實，有意冇意間用手挽袋及羽絨大衣遮肚，其實她為洗米華今年5月誕下一女前，經常做瑜伽等運動，在懷孕期間身形都沒有大變化，如今她懷孕消息屬實的話，都難以察覺。本報向Mandy模特兒公司問關於有孕傳聞，發言人表示：「Mandy今次回港係私人性質，公司並不清楚她的行程，所以有關Mandy的私人事，公司不會回應，多謝關心。」
而Heidi對於Mandy傳再懷第二胎，她表示：「對唔住，佢哋嘅事已經唔再關我事，我冇嘢回應。」洗米嫂用詞決絕，相信離婚心意已決，實行向擁逾14億身家的洗米華分身家，以及爭取13歲大女周梓潼及半歲大的細女周善潼的撫養權。
原本Heidi安排了一家人今日出發去日本，以往洗米華爸爸、家姐及Heidi母親都必定參與，今次出發前發生家變，Heidi就與母親留在澳門照顧細女，而洗米華爸爸及家姐也沒有跟隨同行，只得洗米華與仔女柏豪及梓潼三父母成團，可算是人數凋零。
昨早7時多，洗米華一家三口抵香港機場，他見到大批傳媒時即臉色一沉，心情更頗為煩躁，子女亦走避不欲受訪，身穿衞衣及短褲的女兒就躲在一旁講電話。問洗米華是否與子女去旅行？他不耐煩：「係呀！」再問到是否去日本，他就表示：「係呀！」記者問他會不會處理家事？洗米華面無表情：「冇呀！冇嘢講呀！」另一邊，柏豪就捉實妹妹手臂衝出記者陣，又不停講「唔好意思」。洗米華亦三度表明，叮囑傳媒不要影小朋友，然後一家三口匆匆入閘。
| (採訪、攝影：陳辰、徐錦池、仇志德) |  洗米華昨日與子女去日本旅行，心死的洗米嫂沒有同行。 |  有指洗米華大前晚與Mandy高調拖手，是因為女友再陀第二胎。 |
 洗米嫂Heidi對Mandy傳又懷孕，她表示：「佢哋嘅事已經唔再關我事。」 |  Mandy今年5月在倫敦為洗米華誕下B女。 |
|
鍾意就快D Share啦！
|
|
|
