掃呢頁CODE去手機

2016年1月21日 星期四

女友出埠落藥 氹 Juno打本開鋪 [壹週刊 - 1350] Juno,M1,麥浚龍

探熱針女友出埠落藥 氹Juno打本開鋪自從31歲麥浚龍(Juno)跟33歲混血模特兒女友戴庚玲(Janine)13年翻撻後,每年平均全包歐遊兩、三次以上,上週二人又拍拖出發去紐西蘭旅行,對女友照顧周到,但卻遲遲不娶,平日做「全職」女友的Janine,眼見自己年紀愈來愈大,不得不為自己打算,決定藉今次紐西蘭之旅落藥,勁氹男友打本開鋪。公開多謝女友處男作《殭屍》叫好叫座,Juno再下一城,掟過億再執導 ...


探熱針

女友出埠落藥 氹 Juno打本開鋪

自從 31歲麥浚龍( Juno)跟 33歲混血模特兒女友戴庚玲( Janine) 13年翻撻後,每年平均全包歐遊兩、三次以上,上週二人又拍拖出發去紐西蘭旅行,對女友照顧周到,但卻遲遲不娶,平日做「全職」女友的 Janine,眼見自己年紀愈來愈大,不得不為自己打算,決定藉今次紐西蘭之旅落藥,勁氹男友打本開鋪。

公開多謝女友

處男作《殭屍》叫好叫座, Juno再下一城,掟過億再執導新片《風林火山》,要保本及保住招牌的他,由劇本到前期籌備,事事親自落場狂捽,勁大壓力。

由於稍後要返大陸為電影取景,趁仍有空檔, Juno特別安排和女友出埠旅行。上週三(一月十三日),二人坐頭等出發去紐西蘭,凡事有人打點的少爺 Juno,落手落腳寄行李,完全不用 Janine郁手,非常體貼。

一三年跟 Janine復合後,二人感情更勝從前,早前在叱咤頒獎禮攞獎, Juno在台上公開多謝女友。

因為眼睛敏感,近年愛戴超出鏡的 Juno,入閘前都要除眼鏡核對。

上週日中午, Juno跟女友孖住到機場 check in。

自認是宅男的 Juno,就算被拍到外出食飯 shopping,身邊都是女友。

G奶 AV女優蒼井空曾跟 Juno合作電影,更因而傳出緋聞。

07年, Juno跟阿嬌合作電影《破事兒》撻着,有指發生「淫照事件」後,阿嬌一直匿在 Juno家中。

幫君如囡囡補英文

「 Janine同 Juno復合後,基本上係全職陪男友;雖然會接 job影硬照,又幫人補習,但所有時間可以自己控制,完全唔影響佢陪 Juno。

「佢哋一直財政獨立, Janine平時使自己錢就好慳,鍾意去 Zara買平衫,但 Juno同佢一齊去街、旅行,一定全包,每年一定安排陪女友去幾次歐洲,每次坐底使幾十萬,二人世界兼 shopping。 Janine到而家仲係同屋企人住喺屯門,亦從來唔𦧲男友幫自己, Janine生得細粒,啲 job都係以平面為主,佢主要收入其實係補習,吳君如個女都係搵佢補英文。」知情人說。

二人拍拖愛玩低調,從不放合照上網,但在 ig發現二人之前的旅行相地點十分相似,同樣喜歡 po黑白相。

不婚政策

去年 Janine曾在社交網站為男友處男執導成功而驕傲,甚至公開自爆落實人生重要決定,並獲 Juno回覆「 With You」。雖然女友身份被確認,但比 Janine細兩年的 Juno並無結婚打算。

「我唔太相信婚姻制度,因為身邊有太多例子,結咗婚不等於愛對方。我喜歡浪漫,亦不打算要小朋友,總覺得有小朋友就會將兩個人之間嘅愛分散。」 Juno曾說。

男友採取不婚態度,已經三十三歲的 Janine不得不為自己打算。

「 Janine之前同 Juno講過,希望男友支持自己開鋪,但當時搞緊《風林火山》個劇本, Juno未有仔細同 Janine商量;今次去紐西蘭,大家可以慢慢傾。 Janine都做咗好多兼職補習,覺得係時候試吓其他嘢,反正佢都係潮人,開鋪做潮人生意,唔會點甩轆。」知情人說。

Janine原來一直幫吳君如女兒陳是知補習英文。

執導的《殭屍》叫好叫座後, Juno再執導投資過億的《風林火山》。

跟謝安琪合唱的《羅生門》去年贏到開巷, Juno更有意將故事改拍電影。

13年中翻撻後, Janine跟 Juno已經甚少孖住出席公眾場合。

有米 Juno平日揸價值 300多萬的 Audi辣跑代步。

慳自己的 Janine,平日行街買衫,幫襯的都是大眾化牌子。

姊弟戀

現年 33歲的中英混血兒戴庚玲,英國大學畢業後,回港做全職模特兒,並兼職做補習老師教英文, 10年同 Juno合作 MV撻着,但有指因日本 AV女優蒼井空介入,二人拍拖唔夠一年便分手。 13年情人節,二人被拍到撐枱腳慶祝復合,翻撻後兩個經常被拍到孖住行街買衫扮靚,十分恩愛。

大水喉

凡事冇一生一世!身邊有大水喉射住,女藝人大都會把握機會,搵啲嘢揸手,一旦冇人,都有錢!為自己打算,投資生意亦比開口叫富貴男友買樓體面,一旦成功,隨時自立門戶,獨當一面。

楊秀惠

入行超過十年的楊秀惠, 14年獲有米男友打本過百萬,在銅鑼灣開樓上鋪賣護膚品做老闆娘,楊秀惠不時落場做埋 sales,客源包括電視台一班姊妹,不愁冇生意。

陳文媛

淫照風波後,退出娛圈的陳文媛 09年「復出」,由當時男友金紫耀打本過百萬在北角開美甲店,不過苦撐四年長期蝕本,男友最後閂水喉唔玩。跟金紫耀分手後, BoBo轉投男友的前拍檔莊友堅,在對方旗下的金融公司任職投資公司高層,做高薪打工仔。

撰文、攝影、攝錄:娛樂組


鍾意就快D Share啦!