太陽娛樂文化老闆周焯華（洗米華）過往新年都會和家人出埠度假，但自與Mandy Lieu高調晒愛，令正印陳慧玲（Heidi）怒嗌離婚後，一家人去旅行的情景已不復見，原本的一家人卻要分道揚鑣。
正當洗米華和家人去日本度假之際，洗米嫂昨日卻帶着大女周梓潼和手抱細女周善潼一起出發到泰國旅行。洗米嫂現身機場時，即被大批記者追訪，因為閃光燈閃不停，她緊張地用手遮擋細女的眼睛，而機場職員亦立即另開通道讓她們先行入閘，避免造成混亂，她全程不發一言。
童愛玲擬捐物資賑災
此外，昨日也有不少藝人出埠避年，戴上黑超的關之琳身穿牛仔褲襯皮褸，右手無名指戴了隻大鑽戒，雖然她沒有透露目的地，不過臨入閘前就熱情地和記者揮手，祝新年快樂。而童愛玲亦與老公及囝囝、工人一起回台灣過年，問到她會否擔心台南地震？童愛玲說：「有睇新聞，好唔開心，雖然屋企喺北部，地震喺南部，但自己係台灣人，發生呢啲事真係好難過，尤其臨近過年。返到台灣會同媽咪傾吓，捐啲物資去幫手。」
採訪、攝影：曹家誠
|
鍾意就快D Share啦！
|
|
|
