無綫劇集《EU超時任務》四月十日經已大結局，渠頭（王浩信飾）不忍Madam Ling凌晨風（朱千雪飾）毁容慘死，決定就算Madam Ling完全忘記自己，也要作最後一次穿越。而今次回到過去，渠頭明白不能再令阿風受傷害，遂只將一些壞的事情改變，並積極做好事，而當做完晒之後，渠頭跟阿風道別時，竟在地上發現自己在另一個時空送給阿風的定情沙漏鏈墜，當阿風執起沙漏鏈墜後，呆了一會，之後露出一個耐人尋味的笑容，故事就此終結。
究竟阿風最後有冇記得番自己曾經熱戀過嘅渠頭呢？呢點成為討論區網友熱話，既然大家傾得咁開心，千雪BB都喺Instagram傾埋一份，親自解構結局，佢嘅留言係咁嘅：「花了22集的時間穿越，以為有能力回到過去就能改變現實。但原來改變到，都不代表能有一個完美的結局。既然改變不到歷史，大家應該珍惜眼前的一切，活在當下！很喜歡主題曲的一句一樣：『無需有萬次只需一次愛，未懼流眼淚』再見了，Madam Ling！』」
歡迎觀眾自行想像
言下之意，即係阿風最後唔記得渠頭？由於千雪BB答得都未係好清楚，《東網》決定搵埋劇集「大腦」之一、監製林志華指點迷津！林監製聽到大家對個結局R爆頭又咁肉緊，佢就笑晒咁話：「我哋只係想帶出渠頭真心真意做好自己，就會有意外收穫、有奇迹，至少個定情沙漏都能夠出現番喺呢個時空，成為佢同阿風一個可以延續嘅緣份。其實我哋都唔想講定阿風有冇記得番渠頭，想由觀眾自己去創作、去決定呢個劇嘅結局。」
來源 source: http://hk.on.cc
|
鍾意就快D Share啦！
|
|
|
