擁有一顆恨嫁的心嘅胡定欣，曾經講過想喺35歲結婚，講吓講吓，原來只係剩番兩個月時間咋，但係音樂人男友Terry(陳明道)，就仲未有咩行動，暫時嫁杏無期(新聞連結: http://bit.ly/29s2Nkk )。唔緊要，女人最緊要自強嘛！定欣噚日下晝去咗渣甸山一間超級市場買日用品，咁行超市，斷估都係求其拎個環保袋啫，點知佢拎嗰個係......價值2萬5千蚊、Chanel今年早春度假系列嚟㗎，
你都咪話唔犀利。噚日下晝三點半左右，定欣一個人揸車到渣甸山，童心未泯嘅佢身穿米老鼠T恤，配上太陽眼鏡，星味十足咁去咗一間超級市場，見佢邊行邊玩電話，又WhatsApp傳對話，唔知係咪問緊男友要買啲乜嘢，準備星期一凌晨睇歐洲國家盃嘅法國對葡萄牙冠軍大戰呢！嗯，又睇吓定欣買咗啲乜先，廁紙、抹手紙、零食、水、酒.....單係揀酒，佢就踎咗成廿分鐘，好細心咁揀，先揀啱心水。咦，全部都係睇波必備喎！定欣真係貼心，連睇波良品都一早預備好晒，認真抵錫！買好嘢後，定欣就推住架購物車去停車場，放好晒啲嘢，就揸車走lu！
| (攝影：畢紹基、徐錦池) |  |  身為視后嘅胡定欣，帶住太陽眼鏡一個人逛超市。 |
 踎咗成廿成鐘，只為揀支靚酒。 |  買咁多廁紙抹手紙，做埋賓賓嗰份喎… |  |
 定欣孭住個價值2萬5千蚊嘅Chanel手袋去買日用品 |  |  音樂人男友Terry(陳明道)仲未有行動成家立室，暫時嫁杏無期。 |
來源 source: http://hk.apple.nextmedia.com
|
鍾意就快D Share啦！
|
|
|
