2016年8月22日 星期一

捱足9年終彈起 王君馨自爆坎坷經歷 __,君馨,王君馨,

真係估唔到王君馨咁有嘅經歷....藝人王君馨(Grace)最近憑無綫熱播劇集《城寨英雄》「花曼」一角備受觀眾讚賞,而昨晚播出的一集中,她更以超激罕性感裸背上陣,露出白滑靚背,極度吸睛!之後她又身穿谷胸束衣加吊帶襪大跳艷舞,以「趷籮」、「腿張開」等噴血招式令劇迷暈晒大浪!今日她在將軍澳出席《城寨英雄》之「比武招親擂台」活動後,便到附近商場稍事休息,期間亦試一試自己的人氣,不少途人路過都秒速認出Gra ...


真係估唔到王君馨咁有嘅經歷....

藝人王君馨(Grace)最近憑無綫熱播劇集《城寨英雄》「花曼」一角備受觀眾讚賞,而昨晚播出的一集中,她更以超激罕性感裸背上陣,露出白滑靚背,極度吸睛!之後她又身穿谷胸束衣加吊帶襪大跳艷舞,以「趷籮」、「腿張開」等噴血招式令劇迷暈晒大浪!今日她在將軍澳出席《城寨英雄》之「比武招親擂台」活動後,便到附近商場稍事休息,期間亦試一試自己的人氣,不少途人路過都秒速認出Grace,不但不斷叫喊她劇中角色名「花曼」,更上前集郵求合照,極受歡迎。而曾為劇集練出20.5吋終極纖腰的她,亦終於可以趁機大解放喪食雪糕,過足口癮。

冇錢交租

Grace憑亮眼表現獲網民盛讚「又睇得又打得」,其中更有人問「點解佢捱咁耐先彈起」。原來Grace的最初演藝路途亦與其角色「花曼」一樣坎坷,雖然四歲移民紐約的她出身富貴,父親經營壽山石生意,石仔細細卻可以賣過千萬,但她自2007年回港參選香港小姐並贏得亞軍後,便拋低千金小姐身份,毅然留港發展。曾以為銀色旅途可以順風順水的她,最初就只靠港姐合約不超過一萬蚊港元的人工支撐生活,但香港寸金尺土,只是居住租金就已經要萬二蚊,遠高於她薪金本身,她直言:「我真係諗過我係咪要瞓街!」而即使現在開始彈起,與無綫簽包薪合約的她每個月亦大約只賺萬餘元。

入行九年,面對各樣高低起跌,Grace坦言曾一度諗過放棄:「曾經有人話我演技好浮誇,嗰時好想返美國,但簽咗合約唔可以一走了之,所以搞到有抑鬱同暴食症。」幸好好友趙希洛和周家蔚帶她到教會,使她可以重新建立自信:「做戲都冇咁誇、踏實番。」她又表示信教後,在教會中認識到一位教友,後來更成為了自己的契媽:「佢喺我最困難時候收留我,畀我喺佢度住,解決我一切經濟問題。」但最可惜的是,對方已經與世長辭,未可及時報答對方。

拍性感戲前有祈禱

終於可以贏得觀眾欣賞的她,被問有否想過以性感演出勇闖影壇,她直指性感演出只局限於角色需要:「即使拍電影都係角色有需要先會露,而今次露背已經係我底線。(你信教,拍嗰時心情有忐忑?)拍之前我都有祈禱,要準備好先衝破到心理關口。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...