林心如真係由朝笑到晚㗎。
可以喺峇里咁靚嘅地方結婚，有咁錫自己嘅老公同好友，仲有咁浪漫嘅場地布置，相信對於所有女人嚟講，都係一件圓滿嘅事；而林心如都係女人，所以佢應該都對自己呢個一生人一次嘅婚宴好滿意。
由於林心如同霍建華今次喺峇里嘅婚宴比較低調，所以流出嘅婚禮同婚宴相關照片一直唔算太多。而大家等了一等，等咗足足一晚，啱啱終於有一對新人喺婚宴嘅相片流出。雖然流出嘅相朦朦地，仲要好細張同得嗰幾張，但不難發現嘅係，林心如真係好開心。佢全程笑到見牙唔見眼，相反佢老公仲可以維持型爆Chok樣。
另外，心如同霍建華嘅婚宴現場，仲流出咗一張台上相，雖然只得背面，但依然可以睇到好多嘢。首先，我哋發現心如件婚紗原來係大露背嘅，而且好多喱士，感覺優雅得嚟又不失時尚。而一對新人同謝佳見嘅合照，亦睇得出新娘子嘅氣息相當唔錯，個樣極度甜美省鏡。而同場仲加映咗一幕感人戲碼，就係范冰冰攬住林心如，而且兩個都仲要眼濕濕咁，touching到哩！
來源 source: http://hk.on.cc
|
鍾意就快D Share啦！
|
|
|
