奧運，0依家全世界人都有留意嘅盛事，好多節目，無論電台、電視都會講下，支持下運動員，而噚日蘇施黃喺佢嘅節目入面，都有講到奧運，其中有一段，就講到香港乒乓波運動員黃鎮廷。蘇施黃喺節目入面話：「可唔可以俾我講香港件衫先，真係忟忟地，咁香港打乒乓波，係藍色嘅poloshirt，你睇下呢條「茂利」叫咩名？(拍擋答黃鎮廷。)你睇佢「呢啡」到呢，嗰個polo呢嗰啲鈕呢，我着poloshirt就一定扣最底嗰粒鈕 ...
奧運，0依家全世界人都有留意嘅盛事，好多節目，無論電台、電視都會講下，支持下運動員，而噚日蘇施黃喺佢嘅節目入面，都有講到奧運，其中有一段，就講到香港乒乓波運動員黃鎮廷。蘇施黃喺節目入面話：「可唔可以俾我講香港件衫先，真係忟忟地，咁香港打乒乓波，係藍色嘅polo shirt，你睇下呢條「茂利」叫咩名？(拍擋答黃鎮廷。)你睇佢「呢啡」到呢，嗰個polo呢嗰啲鈕呢 ，我着polo shirt就一定扣最底嗰粒鈕，底下嗰粒一定要扣，呢個係着polo shirt唔「呢啡」嘅表現，因為係咁先靚啲，呢個啊咩，黃鎮廷呢，佢係全部「啡」開晒，真係肉酸到呢，可唔可以教下佢哋點著啲uniform呢？」節目出街之後，前香港專業劍擊運動員李忠民喺facebook，寫咗一封公開信俾蘇施黃，內容如下：「致蘇絲黃的公開信
剛才閣下在電台的言論，本人有以下意見:
1. 黃鎮廷是香港的精英運動員，並不是閣下口中的 『茂里』!
2. 運動員在比賽時 Polo Shirt 有沒有扣鈕，並非值得閣下批評的地方，有沒有想過可能是在比賽期間鬆掉?
3. 你不明白單車衣在風阻及工用上設計，請勿隨便批評!
4. 請尊重所有運動員! 不論國家及地區!
5. 請閣下好好了解ㄧ下體育，之後才作出批評，以免誤導聽衆!
資深體育評述員，前香港奧運代表
李忠民」之後都引嚟好多網民留言話：「呢個主持好差勁，又無禮貎，做訪問咁多次最差係佢，吾明點解仲有人聽佢節目！」而體育新聞記者姚雋彥都有留言：「唔係把聲嘈就大哂，撐。」
除咗阿蘇講嘢係咁之外，有份主持奧運節目嘅陳百祥，被批評佢講奧運講到好似講馬咁，噚日佢出席活動嘅時候話：「我只是普通人，普通人睇賽跑，講吓跑手跑內檔又如何？我覺得沒有問題，不喜歡看我可以睡覺，可以不看我！不過這對我一點傷害也沒有，我是服務觀眾，並非服務專業人士！」
前香港專業劍擊運動員李忠民喺facebook，寫咗一封公開信俾蘇施黃。(李忠民facebook圖片) 
體育新聞記者姚雋彥都有留言。(李忠民facebook圖片) 