掃呢頁CODE去手機

2016年9月5日 星期一

舒淇吸金力驚人 過億「嫁妝」嫁馮德倫 __,馮德倫,舒淇,

舒淇係小富婆!今年42歲嘅馮德倫(Stephen)同40歲嘅舒淇尋日驚爆結成夫婦,震驚整個娛樂圈!身在布拉格為新片《俠盜聯盟》開工嘅二人,大玩即興結婚兼拍下甜蜜婚照,雖然講到明話無計劃補辦正式婚禮或者喜宴,一切從簡,但原來低調背後,舒淇原來係帶過億「嫁妝」入馮家做馮太!入行多年嘅舒淇吸金有道,除咗係幕前好成功之外,其實佢喺商界真係好有生意頭腦,除咗先後曾同導演劉偉強及王晶開火鍋店之外,仲開設「4號 ...




其他影片:>>






舒淇係小富婆!

今年42歲嘅馮德倫(Stephen)同40歲嘅舒淇尋日驚爆結成夫婦,震驚整個娛樂圈!身在布拉格為新片《俠盜聯盟》開工嘅二人,大玩即興結婚兼拍下甜蜜婚照,雖然講到明話無計劃補辦正式婚禮或者喜宴,一切從簡,但原來低調背後,舒淇原來係帶過億「嫁妝」入馮家做馮太!

入行多年嘅舒淇吸金有道,除咗係幕前好成功之外,其實佢喺商界真係好有生意頭腦,除咗先後曾同導演劉偉強及王晶開火鍋店之外,仲開設「4號廚房」食肆,分店遍滿內地!另外,佢同台灣著名主持陶子同藍心湄合股開設台灣餐廳Kiki,分店仲有成九間咁多,每月平均營業額更高達約700萬港元!

而去年憑約3,900萬港元收入打入2015年「福布斯中國名人榜」第32位嘅舒淇,投資有道,密密買「磚頭」保值,先後喺台北郊區同市區豪宅地段買新居畀家人住,又驚母親悶得滯,特意喺台北師大附近打本畀媽媽開日本果子店,認真廿四孝!

另外,舒淇2011年喺香港大埔比華利山購入千六呎獨立屋,財力相當雄厚!面對老婆舒淇千萬「嫁妝」,Stephen其實同樣有好投資眼光,曾轉售手上三項物業賺近千五萬,而佢目前就居住喺貝沙灣。


來源 source: http://hk.on.cc
鍾意就快D Share啦!