馮德倫同舒淇喺布拉格趕拍馮生執導電影《俠盜聯盟》，更於拍攝期間在捷克一幢古堡秘密結婚，瞞過晒所有人，就連男主角劉德華都大感驚訝！《蘋果》收到獨家消息，指兩人連日於捷克一座古堡開工，該古堡更是結婚勝地，馮德倫去到嗰度，深深為眼前美景感動，亦覺得是時候了，於是開緊工嗰陣問舒淇：「不如我哋結婚囉！」舒淇一口答應，於是簡單張羅一下，就去結婚了。今次舒淇首肯拍馮德倫呢部戲，亦有段古。本來舒淇係諗住拍完之前嗰部戲之後放幾個月長假，馮德倫就密密安排部戲開工。原定男女主角係馮紹峰同大陸女星張天愛。馮紹峰連合約都簽埋，最後稱因腳傷而臨時甩底，女主角最後決定唔拍，結果，馮德倫真係頭都大埋，萬事俱備，只欠主角。唔係一個，係兩個主角！就喺呢個時候，舒淇出現了，主動謂接拍呢部《俠盜聯盟》；劉德華亦捱義氣，臨時幫拖。《俠盜》故事其實有少少似《縱橫四海》，劉德華係盜寶大賊，尚連奴係警察，兩人不時較勁。楊祐寧係劉德華同黨，同舒淇一對。有個兩脅插刀嘅女朋友，真係令人好滾動！！！！一句到尾，舒淇唔止靚，仲好型！
來源 source: http://hk.apple.nextmedia.com
|
鍾意就快D Share啦！
|
|
|
