掃呢頁CODE去手機

2016年9月16日 星期五

【Mandy喺倫敦湊B】洗米華陪「唯一周太」Heidi澳門賞月團圓 __,洗米華,Mandy Lieu,Mandy,李靜儀,Heidi,周焯華,

【短片】【Mandy喺倫敦湊B】洗米華陪「唯一周太」Heidi澳門賞月團圓2016-09-1601:24:00HKT洗米華依家喺澳門,同Heidi一家團圓慶中秋,是日阿叻陳百祥嚟消遣,洗米華即陪佢玩兩手,仲有成手籌碼。(影片截圖)「輸咗飲兩杯,贏咗有十萬。」(影片截圖)(影片截圖)洗米華之前已經出招冧過老婆,喺台上話周太得一個。(資料圖片)又突然現身送花。(資料圖片)Mandy上個月被影到喺英國收 ...


【短片】【Mandy喺倫敦湊B】洗米華陪「唯一周太」Heidi澳門賞月團圓

2016-09-16 01:24:00 HKT



洗米華依家喺澳門,同Heidi一家團圓慶中秋,是日阿叻陳百祥嚟消遣,洗米華即陪佢玩兩手,仲有成手籌碼。 (影片截圖)



「輸咗飲兩杯,贏咗有十萬。」(影片截圖)



(影片截圖)



洗米華之前已經出招冧過老婆,喺台上話周太得一個。(資料圖片)



又突然現身送花。(資料圖片)



Mandy上個月被影到喺英國收晒身,似係生完BB。(資料圖片)



原來已為周家生咗一女,無幾耐之前被指添丁。(資料圖片)



洗米華喺澳門同阿叻玩百家樂,唔使估中秋一定會陪埋家人



以前陪喺洗米華喺賭場贏錢嘅,係充當其「人肉坐墊」嘅Mandy Lieu。依家Mandy人在英國湊一子一女,洗米華就在此大時大節返澳門。 (資料圖片)

網上有兩條片,係「阿叻」陳百祥同周焯華(洗米華)一齊坐賭枱玩百家樂,洗米華仲拎個骰盅大大聲對阿叻講︰「輸咗飲兩杯,贏咗有十萬!」就咁睇畫面,似係洗米華贏。

呢兩條唔係偷拍嘅明影短片喺WeChat已有不少人share,大家一來想知阿叻輸幾多(or贏幾多),同樣更想知嘅係……洗米華o依家喺邊度?Mandy Lieu呢?

據《蘋果》收到風,洗米華在此人月兩團圓之時,同(前?)洗米嫂Heidi陳慧玲成家留在澳門做節,剛為周家誕下一子嘅Mandy,就在遙遠的倫敦湊B。兩人雖然仲辦緊離婚,但周家上下合力發功箍Heidi,洗米華又一直唔肯簽紙,雙方仍在拖拖拉拉中。

一如之前所講,洗米華用盡銀彈同誠意攻勢想氹番Heidi,包括喺台上大唱《愛我別走》冧老婆,又攬實Heidi揚言:「我只得一個周太!」(相關新聞: http://bit.ly/2cAK0iw )上月中,兩人又同場,洗米華仲向Heidi送權杖、獎座同鮮花,加埋之前盛傳洗米華送嘅逾億別墅同價值七千萬嘅舖畀Heidi,似乎開始打動Heidi喇…

咁Mandy點算?本來最理想嘅plan,就係Mandy今年6月生B,然後帶埋兩個小朋友一齊返港。嗰陣更有指洗米華想拎兩億買獨立屋俾三母子住,但Mandy唔想洗米華使咁多錢,寧願以9千幾萬放售舊居珒然,去換過第二間屋。

版本二呢,就係話洗米華喺英國曼徹斯特買咗間4,000呎獨立屋冧番Mandy,等遲啲囝囝都出世,兩姊弟就可以留喺當地讀書……

但依家都9月中喇,Mandy同兩個B仲喺倫敦,會唔會喺洗米華心目中仲有個Plan C?


鍾意就快D Share啦!