睇埋其他索車模：http://bit.ly/2g09sDI
第63屆澳門格蘭披治大賽車昨上演首日賽事，練習賽及排位賽均發生多宗意外，戰車撼欄撼牆着火乜都有，全日共出示7面紅旗暫停賽事，其中F3的奧地利車手哈貝斯保炒得最大鑊，搞到要出動白車送院，至於香港車手方駿宇（Adderly）出戰GT盃亦發生意外，於松山落山時撞欄，賽車冒煙，幸人車均無大礙，有驚無險。
奧地利車手撞到入院
連串意外由升格為世界盃的F3開始，首次來澳門的19歲奧地利車手哈貝斯保炒得最大鑊，在水塘彎撼欄，大會出動救傷車將車手送院，幸只是腰椎旁肌肉扭傷，經檢查後已經出院，而路車參賽車手澳門的黃家康亦在起步點前的彎角撞欄，車頭起火冒煙。
香港車手都牽涉賽事意外當中，因為打機打得叻而進軍澳門澳門東望洋大賽2.0T的本港新晉車手劉錫輝（Edgar），首天練習賽跑完第2圈即告炒車收場，幸人車無恙，Edgar表示：「終於體會到澳門大賽車的刺激感，亦可能因為心情太興奮，戰車仍未熱身便去得太盡，在落山一段撞欄，幸好賽車很快修理好，之後練習和排位賽我會跟足車隊指示，希望造到好成績。」
歐陽若曦豪言正賽「企櫈仔」
GT盃亦有炒車事件，駕駛Bently的香港方駿宇不幸於松山落山時在警察局彎炒車撞向護欄，座駕更冒煙要從跑道中吊走，幸身體無大礙，由於未炒車之前成績不錯，仍然排第10。Adderly事後表示，由於油門塞了，鎖死了戰車而撞欄，但車身損毁輕微，今日可以繼續落場，練習賽他造出的時間暫時排第10。至於「波子王」歐陽若曦則以第7衝過終點，他表示事實證明保時捷很適合東望洋跑道，尤其過髮夾彎時夠快，但相對地直路就稍欠速度，所以他會與工程人員商量，調校戰車，希望可以直路及轉彎做到平衡，發揮「Race To Win」精神，好有信心可以「企櫈仔」。
另一香港車手李英健則以第14完成賽事，他指出，今日並冇刻意造出一個快圈速：「我只是在不同路段去測驗戰車性能，現時只落後頭車2秒，喺東望洋揸車真係好有Feel，之後我發揮一定會更好。」GT盃練習賽最好成績是駛保時捷的班博，同屬Audi車隊的「澳門先生」莫他拿及比利時車手雲科爾分獲第2及第3。
車模Jennifer堅吸睛
另外，今屆澳門大賽車多搞作，其中車模項目就搞咗個「傳媒眼中我最喜愛」賽車女郎隊伍選舉，今屆入場亮相嘅車模隊伍多達18隊，亦解釋到首天練習賽已經有咁多囡囡登場爭取曝光。暫時所見，檸茶台妹Jennifer嘅吸睛程度相信係全場之冠，率先帶出，而當佢知道有呢個選舉之後亦雙眼發光，向班龍友狂放電，選舉星期六投票，我哋手上呢張選舉人票究竟投畀邊隊，就要睇埋星期五同星期六有乜新發現喇。
東網體育同你追實體壇每個精彩時刻！
http://bit.ly/2ecTF2A
|
鍾意就快D Share啦！
|
|
|
