港姐美貌與智慧並重，但當眾鬧交都係第一次……今次涉事兩位女主角，分別係之前因為不忿大嬸唔依交通規則過馬路而追住個大嬸鬧兩條街嘅梁小冰，另一個就係同梁佩瑚隔空開火嘅陳法蓉。今日一眾前港姐應邀到大角咀出席東華三院慧妍雅集善膳軒命名典禮，梁小冰因為未有着上慧妍雅集嘅粉紅色外套，就被前慧妍會長嘅陳法蓉即問佢點解，就係咁一言不合出事了。影大合照時，小冰嬲陳法蓉當眾訓斥，故拒絕同佢一齊影。陳法蓉聽到傳媒引述謂小冰不滿被訓斥，即哈哈兩聲，笑笑口答:「喂，呢個係佢個人感受，我唔會否定嘅，但係我哋亦一早同Office講咗，我哋今日嘅制服會係咩，希望大家上身係一樣嘅。反而我頭先同咗我個staff講，話:『咦，點解你漏通知咗人嘅？』反而我就冇去訓斥任何人，我亦冇咁嘅權去訓斥任何人。不過呢個係佢個人感受，我都冇乜說話要補充嘅。」對於梁小冰指摘陳法蓉冇乜禮貌、不應當眾指摘她，陳法蓉聞言一呆，兩度謂:「我……」說不下去，再說:「我……」苦笑了一下，稱:「拿，ok，不如叫埋佢入嚟吖。」即找來身後的前慧妍主席王愛倫當人格證人。王愛倫一埋位即謂:「做咩訪問啫？我有料爆㗎喎!」當然係笑笑口。陳法蓉同王愛倫解釋謂:「梁小冰就嬲我訓斥佢，咁佢覺得我好冇禮貌，咁我頭先講番俾大家聽，我只係同staff講我哋係有制服嘅，咁我只係同個staff講『咦，你冇通知咩？』就係咁簡單。」完全唔俾傳媒向王愛倫講番件事…王愛倫講乜.....詳見另文
| 攝影：陳慧安 | | |
| | | |
| |
|
鍾意就快D Share啦！
|
|
|
