當晚筵開五十多席招呼各路江湖人馬， 勝和新任坐館寸仔和ETB高調滿場飛，場面熱鬧墟冚。 場內四周又掛滿智勇堂和白眉派的旗幟，並附設神枱供奉神靈， 讓人上香供奉，瀰漫濃厚江湖味道，「逐個企好輪流上香， 誠心啲呀。」只見一名男子，正安排一班門生排隊上香。其後， 現場響起震耳拆天的鑼鼓聲，原來有舞獅儀式，圍著場地行了一圈。 另外，由於當晚設有拍賣會，所以宴會台上擺滿近件金器和玉器， 來作拍賣用途。
「喂喂喂，你幾個過黎，阿Sir有野要問你地。」上週二晚， 尖東安達中心一酒家外，集結大批反黑探員， 並不時截停查問進出的賓客，氣氛有點緊張。
「智勇堂咪即係鬍鬚勇囉，鬍鬚勇個名叫潘志勇嘛。」 有份出席宴會的江湖人細輝向記者稱， 這個宴會主要是懷念早前因病逝世的14K油尖旺話事人鬍鬚勇。 所以，智勇堂的榮譽會長，全部大有來頭， 例如有澳門14K話事人崩牙駒、 澳門賭業猛人街市偉前妻司徒玉蓮、江湖有錢佬百花蛇， 以及元朗鄉事猛人田雞東等。
撰文：艾馬
攝影：王晴
來源 source: http://s.nextmedia.com
|
鍾意就快D Share啦！
|
|
|
