掃呢頁CODE去手機

2016年12月18日 星期日

【壓都壓唔住】章子怡復出拍劇 2億酬金破晒紀錄 __,子怡,章子怡,

【壓都壓唔住】章子怡復出拍劇2億酬金破晒紀錄2016-12-1818:23:00HKT章子怡復出拍大陸劇,據知有成2億酬金,比周迅嘅1.5億仲要多。上年先同汪峰結婚,年底仲生埋囡囡醒醒。(資料圖片)(資料圖片)(資料圖片)周迅同霍建華拍《如懿傳》分別有1.5億同9,000萬薪金。(微博圖片)今年8月有指大陸想打壓藝人片酬。(微博圖片)呢幾年中港台三地演員喺大陸拍劇真係好好搵,演員身價屢創新高,拍一 ...


【壓都壓唔住】章子怡復出拍劇 2億酬金破晒紀錄

2016-12-18 18:23:00 HKT



章子怡復出拍大陸劇,據知有成2億酬金,比周迅嘅1.5億仲要多。



上年先同汪峰結婚,年底仲生埋囡囡醒醒。(資料圖片)



(資料圖片)



(資料圖片)



周迅同霍建華拍《如懿傳》分別有1.5億同9,000萬薪金。(微博圖片)



今年8月有指大陸想打壓藝人片酬。(微博圖片)

呢幾年中港台三地演員喺大陸拍劇真係好好搵,演員身價屢創新高,拍一齣劇攞1億人民幣酬金已經唔係天荒夜譚,好似今年周迅演《如懿傳》就攞咗1.5億人民幣酬金,男主角霍建華就攞9,000萬。

雖然今年8月傳過廣電總局對藝人薪酬過高有啲不滿(相關新聞: http://bit.ly/2gYmIbw ),但係得把口講打壓,實際上成效就冇乜囉。

最近周迅保持嘅1.5億呢個紀錄,終於俾人打破咗,邊個咁犀利?原來係上年結婚生女嘅章子怡!貴為國際影星,章子怡破例返大陸拍劇,佢接咗古裝劇《帝王業》,酬金2億再創新高,而男主角係o依家內地人氣好勁嘅胡歌,酬金同周迅平手,去到1.5億。

好多年前張藝謀曾經放風話過:「章子怡、鞏俐絕不接演電視劇」但事隔多年,又有一個咁吸引嘅酬金,又真係好難唔心動喎。

《蘋果》仲聽聞今次章子怡都係劇集嘅投資者,佢會將部份嘅酬金用番嚟投資,而套劇劇明年中開拍。套劇原著係內地網絡小說,章子怡喺戲中出身貴族,但被迫同青梅竹馬男友分開,被逼下嫁寒族武士胡歌,婚後兩個人一齊打天下。


鍾意就快D Share啦!