黎耀祥同毛舜筠啱啱喺《愛．回家之八時入席》入面上演壁咚加激咀（新聞連結： http://bit.ly/2gU28dr ），唔知係咪因為呢一pair螢幕情侶加埋已經109歲，搞到呢場世紀之吻令網民大叫怕怕，嚇到個心都離一離，但係唔知之後仲有冇機會再睇！今日有周刊報道話，向來似做嘢認真見稱嘅毛姐，當日應承回巢為收視救亡，碌盡人情咭搵老友幫手，全因為係無綫應承會做好製作，拍套好劇去省靚招牌，點知出嚟嘅效果完全相反，毛姐試過覺得劇本有啲問題，諗住搵人執一執個劇本，最初都有人敷衍吓，慢慢變得越嚟越hea，完全同想像上嘅兩回事，結果搞到毛姐極之冇癮，仲話佢向曾勵珍請辭，唔肯續約添食！不過，據《蘋果》了解，《八時入席》一直未有添食計劃，呢套劇將會喺本月中煞科，下月初播映完後，將會播李添勝嘅倉底貨《財神駕到》嚟填補呢段真空期，新一輯嘅處境劇將會喺2月尾播映。
來源 source: http://s.nextmedia.com
|
鍾意就快D Share啦！
|
|
|
