掃呢頁CODE去手機

2016年12月19日 星期一

畀洪永城寸爆 翠如BB冇嬲拆解四角關係 __,翠如,洪永城,黃翠如,

翠如(右起)、蕭正楠及詩詠、洪永城呢兩對人關係真係好可愛!台慶頒獎禮尋晚圓滿結束,攞到獎就故之然高興,但係空手而回都未必傷心嘅!就好似有份角逐視后嘅黃翠如咁,雖然佢全晚坐「冷板櫈」,但係睇嚟佢都冇唔開心,今日仲喺Instagram嗌男友蕭正楠做「myboy」,仲拆解佢哋呢兩Pair(翠如、蕭正楠及詩詠、洪永城)嘅「四角」關係𠻹!尋晚,「如詠組」同「洪蕭組」就分別頒「男女飛躍」!先嚟嘅就係男方頒「女 ...


翠如(右起)、蕭正楠及詩詠、洪永城呢兩對人關係真係好可愛!

台慶頒獎禮尋晚圓滿結束,攞到獎就故之然高興,但係空手而回都未必傷心嘅!就好似有份角逐視后嘅黃翠如咁,雖然佢全晚坐「冷板櫈」,但係睇嚟佢都冇唔開心,今日仲喺Instagram嗌男友蕭正楠做「my boy」,仲拆解佢哋呢兩Pair(翠如、蕭正楠及詩詠、洪永城)嘅「四角」關係𠻹!

尋晚,「如詠組」同「洪蕭組」就分別頒「男女飛躍」!先嚟嘅就係男方頒「女飛躍」,洪永城公然向蕭正楠大數翠如BB不是,又話對方運動白癡、得佬味、冇演技,不過蕭正楠就話自己鍾意聞,仲反擊大爆從馬國明口中得知詩詠入得廚房出得廳堂,激到洪永城無力反駁!

之後去到「如詠組」頒「男飛躍」,翠如就即刻還擊,話洪永城扮失憶、係隻冇腳嘅雀仔,不過詩詠冧滋滋話事業有成就得,唔似蕭正楠咁鍾意玩水,仲擺佢哋「鴛鴦戲水」戲上枱!

洪永城同翠如BB互窒互寸後(換句說話即係鬥恩愛),另一半又唔介意,難怪翠如BB就話好鍾意尋晚呢場「戲」,仲話「Sweet pic❤️ my girl(詩詠), my buddy(洪永城) and my boy(蕭正楠).」攞唔到視后啫,有咩好怕喎?!

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon 


來源 source: http://hk.on.cc
鍾意就快D Share啦!