大劉劉鑾雄嘅身體狀況一直備受關注，佢早前喺高士美道大宅接受專訪直認已經換腎，訪問當日大劉明顯精神咗好多，不過由於換腎後康復期間，病人要避免到人多或空氣污濁嘅地方，當日記者都要戴上口罩，以免大劉受到感染。大劉喺休養期間少有現身，最近一次現身就係同劉太甘比去深水灣道3號一個地盤視察，而據知呢個地盤建成後將會係大劉同甘比嘅新居。講返大劉要喺無菌嘅空間休養，睇嚟喺劉太照顧下大劉康復得特別快，噚日晚上7點幾，大劉同太太甘比、囡囡秀樺及甘比母親一齊去皇室堡睇戲，仲要係睇劉德華、麥廸文嘅新作《長城》，完場時大劉左手隔住手巾扶住保鑣、右手撐着拐杖喺甘比輕扶下自行步出，仲一齊行特別通道搭lift直落停車場坐車離開。今次屬病癒後第一次喺公眾場合現身，身邊三位保鑣都如常手執手巾，見到大劉步履平穩睇嚟真係好番晒！不過近日天氣轉涼，加上冬天都將會係流感高峰期，所以都要小心啲呀！
| 攝影：吳耀輝、畢紹基 | | |
| | | |
| | |
來源 source: http://s.nextmedia.com
|
鍾意就快D Share啦！
|
|
|
