YoYo最想同吳彥祖拍戲，床上戲都冇問題。
模特兒葉詠瑤（YoYo）形象斯文貴氣，但在愛情路上非常進取，遇到心儀男士會主動出擊，命中率100%從未失手！她直言情有獨鍾運動型男士，更希望與型男吳彥祖拍愛情片，就算拍床戲都冇問題！
葉詠瑤貌似李施嬅、陳茵媺及諸葛紫岐的混合體，予人斯文脫俗感覺，笑起時更有彎彎腰果眼，電力十足。她直言最滿意自己的笑容，自誇夠甜。
最怕污糟男
最近推出寫真集的YoYo積極修身及豐胸，書中有多個不同造型，她笑言絕對是大解放：「平時我幾保守，但今次啲造型都幾性感，有啲嘢（事業線）都幾深，豁咗出去。事前參考好多外國雜誌學擺甫士，不過唔止得性感相，書入面嘅我係百變，見到好多平日見唔到嘅一面，亦都有一套韓風泳衣，感覺幾時尚。」
天生麗質的YoYo不乏裙下之臣，但外表斯文的她原來非常主動，遇到心儀男士會主動表白，兼且「例不虛發」。她笑說：「可能我好彩，我揀得嘅都鍾意我，唔使做太多嘢。」至於理想另一半條件，YoYo希望對方身高有1米80及有雙眼皮：「我零舍鍾意男仔打籃球，至於唔接受嘅壞習慣就一定係污糟，好怕人整到地方好亂，去完廁所又唔沖廁。」
咩都想試吓
YoYo表示型男周柏豪及吳彥祖符合其擇偶條件，更希望可以跟兩人拍親熱戲：「之後發展方向想咩都試吓，最想拍劇，同唔同前輩學嘢。（想同佢哋合作？）梗係好最想同吳彥祖拍愛情片，一定要係佢追我！然後拍拖、結婚、生仔。每當佢講好冧嘅對白，就好似講緊畀我聽咁。（拍埋床上戲？）哈哈，最好可以」
來源 source: http://hk.on.cc
|
鍾意就快D Share啦！
|
|
|
