【新增內容、圖片】34歲嘅孫慧雪今日同圈外男友Edwin Lo喺愉景灣舉行婚禮，正式封盤升呢做人妻。朝早阿雪喺香港愉景灣酒店進行接新娘儀式，著住中式禮服嘅阿雪同Edwin，跟足傳統習俗，完成儀式後，阿雪換咗套性感嘅白色婚紗，喺愉景灣White Chapel行禮，之後再喺門口傳見傳媒。婚禮喺下晝3點半開始，阿雪預早15分鐘從酒店出發到禮堂，不過阿雪似乎冇刻意修身，見到佢身材圓潤，豐滿上圍迫爆。新郎哥Edwin喺主禮台笑得開心，阿雪喺姊妹團開路下，步入禮堂。喺儀式進行期間，阿雪被感動到二度抹眼，交換完戒指後，一對新人應賓客求，錫足10秒，之後好開心向大家揮手。之前曾經有傳阿雪雙囍臨門，喺祝酒嗰陣，兄弟團叫一對新人飲杯酒，Edwin好豪氣咁飲完自己嗰杯，再幫老婆飲埋！跟住到抛花球儀式，結果花球俾一個兄弟拎咗，不過佢都轉贈俾其他人，一對新人喺禮堂門口影完相之後，返入酒店同啲賓客影相兼切蛋糕，之後再上馬車，又應傳媒要求再咀6啖，再接受傳媒訪問！
| 雪雪今朝跟足傳統儀式出嫁。 | | |
| | | |
| |
來源 source: http://s.nextmedia.com
|
鍾意就快D Share啦！
|
|
|
