一個係1989年港姐冠軍。
一個係1990年港姐冠軍。一個代表80年代最後黃金歲月。
一個象徵迎接90年代新開始。但呢26年嚟，呢兩位世代之交、集美貌與智慧並重嘅港姐，一直零交流。除咗戴后冠一刻。
26年後，大家都四十幾歲喇，先至開始交手，一交手，就火花四濺。
講緊嘅係90年港姐冠軍袁詠儀(靚靚)，噚日喺活動上力撐同屆季軍梁小冰，齊齊槍口對外，反擊89年冠軍陳法蓉。靚靚噚日同老公張智霖一齊出席活動，被問及小冰單嘢，靚靚話：「雖然我唔喺現場，但係以我所認識嘅小冰，如果唔係受到好大傷害，一定唔會有呢個反應，但我覺得佢唔使為咗呢件事去外地散心。」當時老公示意靚靚最好唔俾意見，點知靚靚聽完即刻推開Chilam，叫佢去做其他訪問，爭在未爆出「收聲！」兩個字。(新聞連結: http://bit.ly/2gJ44Cj )靚靚仲話自己喺工作上未遇過陳法蓉，仲話：「雖然對方喺大陸發展，但我少喺大陸發展，冇呢個機會同榮幸碰到佢！」加一句:「可能有記者喺度佢會好啲！」靚靚烈女形象，多年來都係咁直。梁小冰得悉靚靚撐自己，感動之餘，接受《蘋果》獨家訪問時更稱:「完全冇諗過，仲諗住成個禮拜單人匹馬以一敵十打到對方粉身碎骨，依家收兵走人，點知突然空降『袁子彈』，嘩！咁對方一定灰飛煙滅喇……袁女俠真係無懈可擊，佢係俠女心腸，路見不平，拔刀相助！最了解我性情嘅人亦都係佢。感激在心中。「不過成件事由始至終，我唔想拉任何一位朋友落水替我出頭，因為我理直氣壯，自己事自己搞掂，對付呢隻曱甴，太浪費呢張『王牌』，我仲諗住九十歲先用！」相關新聞：
【當陳XX係曱甴？】梁小冰決絕：我驚好似見到曱甴咁走開！
http://bit.ly/2ggiwkQ【兩前港姐當眾吵大鑊！】為咗一件衫 梁小冰不滿陳法蓉訓斥：佢好冇禮貌！
http://bit.ly/2goaWYv
|
鍾意就快D Share啦！
|
|
|
