台慶劇《致命復活》呢排收視唔錯，叫好又叫座，坊間仲對邊個策劃綁架郭晉安十年嘅終極boss議論紛紛添！唔只前妻萬綺雯、前妻丈夫黃德斌、拍檔張國強、阿哥古明華嫌疑最大，就連朱晨麗、謝雪心，甚至係佢個自閉仔都有人認為有可能！
點都好，難得部劇引起咁多討論，安仔點都要俾啲甜頭大家嘅，所以佢都講吓拍劇時有咩場口係比較困難。要同朱晨麗呢種高質美女連環激咀，安仔就話：「大家要互相配合啦，錫嘅時候個反應都好緊要嘅，對我嚟講我覺得係正常。」
親熱戲無難度，咁點先難呢？安仔回答嘅同時仲劇透咗少少下星期嘅情節添！「差唔多下個禮拜啦，講阿德斌餵我食興奮劑，混喺水度我唔知道，就要我喺朗豪中心對出嘅十字路口狂嗌狂叫，嗰場戲都幾考我架。」
難喺邊？攝影機就同大部分工作人員就喺天台影落去，條街上面得幾個劇務傍住佢，咁安仔無啦啦喺條街喪嗌，除咗會嚇親人，仲可能會引嚟唔少人上前問候兼圍住佢架嘛，話晒係三屆視帝喎！咁多人圍住、阻住，你叫佢點嗌好呢？想離開都成問題
點都好，難得部劇引起咁多討論，安仔點都要俾啲甜頭大家嘅，所以佢都講吓拍劇時有咩場口係比較困難。要同朱晨麗呢種高質美女連環激咀，安仔就話：「大家要互相配合啦，錫嘅時候個反應都好緊要嘅，對我嚟講我覺得係正常。」
親熱戲無難度，咁點先難呢？安仔回答嘅同時仲劇透咗少少下星期嘅情節添！「差唔多下個禮拜啦，講阿德斌餵我食興奮劑，混喺水度我唔知道，就要我喺朗豪中心對出嘅十字路口狂嗌狂叫，嗰場戲都幾考我架。」
難喺邊？攝影機就同大部分工作人員就喺天台影落去，條街上面得幾個劇務傍住佢，咁安仔無啦啦喺條街喪嗌，除咗會嚇親人，仲可能會引嚟唔少人上前問候兼圍住佢架嘛，話晒係三屆視帝喎！咁多人圍住、阻住，你叫佢點嗌好呢？想離開都成問題
來源 source: http://nextplus.nextmedia.com
|
鍾意就快D Share啦！
|
|
|
