唔通真係人生如戲，Stephy同小方拍完《紀念日》就宣佈分手，嚟緊呢套《失戀日》，再無小方，一個人孭飛嘅Stephy，承認電影主角阿寶，同自己愛情觀好似。
「好似電影裡面嘅阿寶，正正係我呢個年紀，工作咗七、八年，同男朋友又拍咗好多年拖，但無見到有啲可能嘅改變，或者有好好嘅未來，睇唔到，所以希望喺呢個框框跳出嚟，跳出安全區，去搵新突破，想有新想法，所以同真實嘅自己有少少相似囉。」
今年三月，方力申Stephy宣佈結束十年情，令唔少fans一殼眼淚，原來33歲嘅Stephy愛情睇法唔同咗！
「其實唔太肯定同我過咗30歲有關，定係時間性有關，定點樣。的確，喺呢幾年嚟，對感情、工作或一啲嘢嘅觀點睇法係有啲唔同咗，可能放開咗，或者大膽咗，我唔知點形容，但係係會有啲新思維出咗嚟！」
分手已經一段時間，傷痛復原，Stephy感覺完全放開咗！
「唔開心或者開心，你點都要面對，點都要渡過。我唔會沉迷喺唔開心，可能我覺得安全感好緊要，沉迷即係我要依靠佢啦、即係我無咗佢唔得，咁我就覺得點解一個人無咗一樣嘢唔得呢！」
來源 source: http://s.nextmedia.com
|
鍾意就快D Share啦！
|
|
|
