綠葉李國麟北上密做男一 嘆無綫糟蹋藝員
現年61歲的李國麟，雖然四十多年來在無綫盡是做綠葉，但在內地卻獲賞識擔正男一。近日內地播映的網劇《超能少年三部曲之宿命之戰》，連宣傳海報也用他做主相，李國麟笑謂：「係TVB啲poster唔係好預我咋嘛。」他又慨嘆無綫安排曳，一個演員經常出現在三線劇，令觀眾睇到混淆，他說：「作為一個擁有龐大財產嘅公司，係糟蹋咗。」
■綠葉王李國麟在無綫40多年，他大嘆公司糟蹋有料演員。資料圖片
■李國麟在內地網劇《超能少年三部曲之宿命之戰》擔正做男主角。微博圖片
■李國麟北上發展甚為吃香，早前有份拍攝劇集《狩魔傳》。微博圖片
■李國麟與太太Angel於02年誕下囡囡沅薐，現時他仍要努力搵錢供書教學。資料圖片
無綫「綠葉王」李國麟於74年加盟無綫以來演過逾百部劇集，忠奸角、搞笑角色無一不曉，獨是未有機會擔正做男主角。相反，李國麟近年在內地卻吃得開，不時有機會擔正做男主角，本月9日首播的內地網劇《超能少年三部曲之宿命之戰》，便由李國麟做男一，夥拍曾偉權和黃榕等演出，而該劇海報，便見他的大頭相佔了三分一之多。
■李國麟由醉心練武的鳩摩智，到奸到出汁、獲台慶頒獎禮提名男配角獎的馬元贄，他也能刻畫得很到位。
「TVB安排好曳」對於網劇海報由自己做主相，李國麟日前笑說：「係咩？咁畀面呀！」問是否首次擔正做主角？他笑謂：「唔係，上面都幾密吓，係TVB啲poster唔係好預我咋嘛。」李國麟指《超》劇開播當日於深圳舉行發佈會，自己因忙拍無綫劇而未能抽空出席：「𠵱家開緊3部劇，殺到2月幾又開《溏心風暴3》，因為公司真係唔係幾夠人，得嗰幾百個演員，係用得嘅大家都知邊啲，但我又見過有啲有質素、唔曳嘅演員幾個月冇嘢做，最高紀錄8個月都有，我都唔知點解。」
李國麟在無綫還有幾部劇拍好未出街，加埋現時開拍的3部及即將開拍的劇集，豈不是隨時於黃金時段三線劇都會見到他出現？李國麟說：「係，TVB安排好曳，大家有留意，一個演員如果幾重戲，隨時會令觀眾睇到混淆，我以一個觀眾立場就覺得好有問題，作為一個擁有龐大財產嘅公司，係糟蹋咗。」
儘管慨嘆無綫糟蹋資源，李國麟也有為無綫講好說話：「好多人話TVB啲劇唔得，編劇日日都『屙』，乜都乾晒，唔怪得佢哋。喺TVB有名未必有利，但唔明點解要鬧，TVB畀唔到我做重要角色，都有閒角畀我做，糧期準，養咗我幾十年，超碼畀到我一頭家，畀到我安全感。」
4月約滿冇人理今年4月李國麟將約滿無綫，至今仍未有人找他傾續約，問可感到擔心？他說：「佢哋好『他他條』嘅，始終香港得一個台，你唔做，做邊個呢？」對於去留問題，李國麟表示要視乎對方開出的條件，但他似乎不大樂觀：「我去年都想唔續，但冇TVB冇今日嘅我，亦冇內地市場，TVB畀我感覺係好需要我呢類演員，我都唔想離鄉別井。但我又覺得今年條件都唔係幾好，好似話公司賺少咗，咁都要向股東交代，我好明白要維持盈利，增加唔到咁梗係要向我哋開刀啦。」若續約不成可有其他打算？李國麟說：「咪打游擊囉，冇話驚唔驚㗎喇。」
採訪：嵐山
|
鍾意就快D Share啦！
|
|
|
