苟芸慧跟岑麗香、鍾嘉欣及王君馨等都是「處女黨」成員，近年成員陸續結婚生子，對此苟姑娘笑說：「依家得番我一個，我係會長，不過可以再招攬會員，例如嘉欣個BB女，真係好得意，笑容好sweet！(你心唔心急？）唔想太趕急咁，真正嘅愛情係值得等待！」跟「錫礦大王」後人陸漢洋的緋聞愈來愈浮面，苟姑娘對此甚為避談，似要保護剛萌芽的戀情，她甜笑說：「佢喺賽車方面教咗我好多嘢，依家大家關係好好、好舒服！」曾被指介入天王郭富城與熊黛林的戀情，與陸漢洋開始時同樣被指是第三者？她無奈地說：「唔知點解我好容易惹到呢啲緋聞，好多謝佢有義氣出聲澄清，我係唔會做第三者，我自己都係女仔，明白感受！」
自認思想傳統
作為處女黨成員？苟姑娘坦言自己十分old school，認為女孩子應該要有矜持，她續說：「我冇試過同人同居，啲人成日話要一齊住先會加深了解，但我覺得平日相處已經可以，以前喺加拿大，我同男朋友住得好近，會煮嘢去對方屋企一齊食。或者依家嘅人唔同咗諗法，但我比較傳統保守，覺得應該要keep住矜持，所以我係處女黨成員，但喺愛情裏面，唔需要標榜住呢樣嘢。（唔會婚前性行為？）雖然我係公眾人物，但太私人嘅嘢就覺得唔需要講得太清楚！」苟姑娘謂將來結婚，會大方跟大家分享，因為這是開心事，也希望得到別人祝福，她補充說：「如果你問我，我就唔介意公開，但都要尊重番另一半！（會唔會做媽咪？）老實講依家未準備好，因為生bb係好大責任，但我唔擔心高齡，因為好多人都大年紀生，而且BB係一種緣分，唔係話你想要就有。」
Jewelry: ASHOKA BY MADIA
Shoes: Andrew Kayla
Make-up: 亨利
Hair: Sue Cheung @ Hair Corner K11
Venue: Shelter Italian Bar & Restaurant
|
鍾意就快D Share啦！
|
|
|
