掃呢頁CODE去手機

2017年2月3日 星期五

【獨家】苟芸慧陸漢洋太古城買餅見家長? 傾唔掂數嘴藐藐 __,漢洋,苟芸慧,

剛宣佈離開大台、回復自由身嘅苟芸慧,o依家真係人逢喜事精神爽。瘦番好多重奪「索苟」之名後,早前影咗輯令人想入非非嘅床照,人氣急升。舊年苟姑娘被踢爆同賽車手兼公和建築創辦人陸孝佩個仔、亦係馬來西亞錫礦大王陸佑後人嘅陸漢洋(前名陸恭和)蜜運中,雖然佢一直未有承認戀情,但每次提起男友個樣都「冧滋滋」,睇怕「處女黨」最後一名成員都好快嫁得出!日前讀者梁小姐透過「爆相爆片」,指見到苟姑娘同男友拍住拖去拜年。 ...




其他影片:>>






剛宣佈離開大台、回復自由身嘅苟芸慧,o依家真係人逢喜事精神爽。瘦番好多重奪「索苟」之名後,早前影咗輯令人想入非非嘅床照,人氣急升。舊年苟姑娘被踢爆同賽車手兼公和建築創辦人陸孝佩個仔、亦係馬來西亞錫礦大王陸佑後人嘅陸漢洋(前名陸恭和)蜜運中,雖然佢一直未有承認戀情,但每次提起男友個樣都「冧滋滋」,睇怕「處女黨」最後一名成員都好快嫁得出!日前讀者梁小姐透過「爆相爆片」,指見到苟姑娘同男友拍住拖去拜年。梁小姐話大約中午12點左右,見到苟姑娘同陸漢洋現身太古城Apita百貨公司,苟姑娘打扮樸素,簡單一件灰色衫,而男友就着番至愛嘅迷彩look,雖然係室內地方,但兩人全程都戴住黑超。讀者梁小姐話﹕「我睇緊啲日本糖果,突然見到個女仔好靚,望真啲原來係苟姑娘,隔籬嗰位應該係佢男朋友。聽見個男仔話買嘢送畀屋企人,係咁話『買啦、買啦』,但苟姑娘就唔肯揀,藐咗個男仔一眼,之後個男仔就話『算喇,我揀』,唔知係唔滿意定點喇?!」梁小姐透露佢哋最後買咗兩盒52包裝嘅日本年輪曲奇,每盒售價330蚊,當然係由男友負責畀錢啦。最近苟姑娘父母都嚟咗香港,估計陸漢洋今次係去苟姑娘屋企拜年,有機會見下未來岳父岳母,當然要花啲心思揀禮物啦。不過,苟姑娘對住男友真係好鍾意玩忽冷忽熱,舊年被《蘋果》獨家影到去西九睇騷,當時陸漢洋哄個頭埋去,錫咗苟姑娘一啖(新聞連結: http://bit.ly/2cNBeRz ),但苟姑娘嘅反應竟然出奇地冷淡,可能呢啲就係倆人嘅拍拖情趣

(讀者梁小姐提供圖片) 日前讀者梁小姐見到苟姑娘同陸漢洋喺太古城拍住拖去拜年。(讀者梁小姐提供圖片) 梁小姐仲話苟姑娘藐咗個陸漢洋一眼。(讀者梁小姐提供圖片)
舊年《蘋果》影到佢哋去西九睇騷,陸漢洋哄個頭埋去,錫咗苟姑娘一啖,但苟姑娘反應冷淡。(資料圖片) 有傳當時苟芸慧同陸漢洋因為賽車撻着。(資料圖片) 苟芸慧o依家變番「索苟」。(資料圖片)
(資料圖片) (資料圖片) (資料圖片)

來源 source: http://s.nextmedia.com
鍾意就快D Share啦!