掃呢頁CODE去手機

2017年3月25日 星期六

馬明開口想食好西 心穎:可以學吓 __,馬明,黃心穎,心穎,馬國明,

馬國明同黃心穎傳緋聞後首度合體出騷。緋聞男女馬國明與黃心穎出席公開活動,起初二人有點尷尬,心穎表示首度「合體」亮相活動感緊張,期後她獻唱帶有表白歌詞的 ...


馬國明同黃心穎傳緋聞後首度合體出騷。

緋聞男女馬國明與黃心穎出席公開活動,起初二人有點尷尬,心穎表示首度「合體」亮相活動感緊張,期後她獻唱帶有表白歌詞的《勇氣》,獲馬明大讚動聽,惟及後馬明卻唱出《友情歲月》,似乎有點大殺風景。而兩人又跟住公仔跳舞,不過馬明舞姿有點趣怪,但心穎也照單全收,她更為馬明用膠紙黐走身上的公仔毛,顯盡細心,之後心穎即席炮製窩夫,更親手餵馬明。

冇夾歌勁尷尬

事後問到二人為何不合唱?馬明透露原先有合唱歌,但心穎卻表示未聽過,更兜口兜面拒絕,令其非常尷尬,問到心穎是否憑歌寄意?她謂:「冇呀!好多嘢都需要勇氣嘅,我揀自己鍾意嘅歌啫!」談到歌詞內容有表白意思,馬明則謂:「我國語差啲!(咁你又唱《友情歲月》回應?)證明真係冇夾過囉!」在旁的心穎即幫拖指大抵對他未有時間練歌,更謂:「我要幫佢解圍,因為我都有啲尷尬。」

馬明加把勁

廚藝不精的心穎,於台上表示會為未來老公學廚,問到二人平日可有在家玩煮飯仔?心穎撤嬌表示沒有,但馬明就出到口指望他日後能吃到伊人親手炮製的飯餐,心穎聞言即冧爆謂:「咁可以學吓,睇吓點,但如果唔係你就試唔到我手勢。」在場傳媒即叫馬明加把勁,他也大表認同。

酬勞好高?

對於二人以「情侶檔」現身,問到酬勞是否很高?心穎謂:「應該係,未試過同緋聞男友出席活動。」馬明則表不不知情,問到合約規條內可有訂了一些不能做的事?他笑謂:「冇講喎!(咁你哋唔拖手?攬腰?)咁應該要價錢高啲先得。」




來源 source: http://hk.on.cc
鍾意就快D Share啦!