今集《區區有女神》請嚟唐紫睿！
唐紫睿（Hazel）去年參加格鬥比賽狂操體能，最終贏得冠軍建立打女形象，在新一集《區區有女神》重遊讀書及長大的葵涌區。除了變身學生妹在商場狂掃小食買平貨外，她又走入運動場挑戰街坊，玩勻跳繩、打羽毛球、踢波與體能測試，堪稱「四項鐵人賽」！Hazel全程「大蝦細」，專揀年紀小的街坊做挑戰者，以為一定贏開巷？錯了，原來小朋友亦非等閒之輩！
挑機者讚好嘢
Hazel起初走入田徑場特意挑選一名比她高大的「青年軍」Mark鬥做平板支撐，她保持姿勢近兩分鐘，成績不俗，但眼見Mark「長做長有」，她最終決定認輸，Mark大讚Hazel：「佢體能都好好呀！女仔嚟講算好嘢！」Hazel之後再與16歲「李仔」鬥做Sit Up，身為田徑好手的「李仔」以次數取勝，贏得與女神自拍的機會。
初哥踢波入兩球
連敗兩回的Hazel轉而變陣與兩名女童打羽毛球及跳繩，最終贏番！雖然她們年紀較小，Hazel擺明「蝦細路」，但全程搞笑度十足，氹得小妹妹非常開心，未有介意輸贏，最緊要玩得開心！在最終回，Hazel決定挽回一點面子，向一班足球小將下戰書，以5球定點射門決勝負，幾位少年起初被她的戰鬥格嚇親，落場後才得知她原來是首次踢波，竟然連射門都唔識，成班波友仔笑爆肚皮，結果5球只入1球，反觀「耍盲拳」的Hazel就入了兩球， 姑勿論賽果，眾人的笑聲傳遍球場，認真友誼第一，比賽第二！
Hazel完成Mission，總算保住「運動女星」招牌，但已玩到氣喘， 她說：「原本以為時下年青人都係低頭族唔多郁動，估唔到大家體能都好好！要操番先！」
來源 source: http://hk.on.cc
|
鍾意就快D Share啦！
|
|
|
