熱爆娛樂: 【獨家】方媛陀B女返上海娘家安胎城城四圍開工冇陪大肚老婆 _

2017年4月30日星期日

【獨家】方媛陀B女返上海娘家安胎城城四圍開工冇陪大肚老婆 __,方媛,郭富城,城城,

51歲天王郭富城同29歲大陸網紅方媛（Moka）喺呢個月18號奉子成婚，假尖沙嘴半島酒店擺喜酒；幾日後，城城出席LV活動時，被問到係咪因為BB未足3個月，所以唔敢講老婆有咗，佢當時就話過「喺適當時候會同大家分享」（新聞連結： http://bit.ly/2pYIPAi ）。據Moka閨蜜爆料，Moka陀嘅胎其實已經過咗3個月，預產期係9月左右，將會喺香港生。之前有傳過城城同Moka一索得男，不過，而且據Moka閨蜜透露，已經照到Moka陀嘅係女，睇嚟城城同同屬天王嘅劉德華及張學友兩位一樣，生成外父相。Moka閨蜜仲話住慣上海嘅Moka，其實仲未可以咁快適應長居香港生活，因為香港對佢嚟講太陌生，又冇乜朋友，如果城城冇時間陪佢，佢就會覺得好悶；所以如果城城唔喺香港，佢就寧願飛返去上海住，所以喺香港結完婚之後，Moka已經跟父母返咗上海，因為城城下個月就要拍莊文強套新戲，仲要去泰國同加拿大拍外景，根本冇時間照顧懷孕妻，故此Moka寧願返上海，等父母可以睇住自己。

	城城同Moka喺今個月18號結婚	（互聯網圖片）
有替Moka已跟隨父母返上海安胎（互聯網圖片）	結婚冇耐嘅城城，仍忙於工作，仲要飛去第二度拍戲，冇時間陪老婆。