嚴謹老婆佗B喇喂！
憑無綫處境劇《愛．回家》中「嚴謹」一角成功入屋嘅張達倫，去年六月與太太陳鳳玲舉行婚禮，當時已經開口１話想盡快造個人仔，不過最後都係畀老友兄弟黎諾懿爬頭做咗老竇先，不過，今日張達倫都狼好消息宣布啵，就係佢都成功追B喇！！
今日佢就喺社交網上載咗條短片，片中一開頭就係張達倫圈中多位好友係咁恭喜佢，當中有楊明、莊思明、黎諾懿、徐榮、高海寧等，之後張達倫就Cut咗去超聲波畫面，再肉緊宣布佢終於做老竇喇：「係呀！我就嚟做爸爸喇！多謝大家嘅支持，唔使再擔心我喇！雖然大家到今時今日都仲催緊我生BB咁，依家9使催性別呢樣嘢就賣住關子先」之後佢抵死地話唔知到時係佢嘅BB同「小春雞」（黎諾懿囝囝）爭「包包」（徐榮），定係佢BB同包包爭小春雞，仲問埋黎諾懿同徐榮意見，呢個準爸爸真係大唔透！
來源 source: http://hk.on.cc
|
鍾意就快D Share啦！
|
|
|
