李彩華近年密密喺內地搵人仔。
藝人李彩華早前遠赴江西一個山區，為新劇《故鄉的愛》取景拍攝，戲中她飾演一名山區老師，不少戲份與一班當地的小朋友合作，過程雖然相當開心但亦令她非常感概，她說：「因為山區啲小朋友每日返學都要行好遠路程，要花上好多時間同體力喺路程上。其實香港小朋友真係好幸福。」
想捐錢起學校
李彩華透露過往亦曾捐錢興建教堂和助養小朋友，日後有機會的話亦希望捐錢到內地興建學校，讓更多小朋友有地方學習，她說：「因為內地好多留守兒童，即係父母都會出去巿區搵錢養家，小朋友則留畀其它親人代照顧，造成好多問題兒童。佢哋未必有書讀或者會誤入歧途，大家都要正視呢個問題。」問到與小朋友合作有否勾起結婚生小朋友的衝動，她說：「依家都係要工作先，我哋兩邊家人都冇催婚生小朋友。以前我都話24歲結婚，依家都過咗。唯有將個時間再推後，希望可以喺38歲前生小朋友。」
喊戲感染全場
李彩華自言一向與小朋友特別投緣，今次合作過程相當愉快。拍攝其中一場講述其丈夫賀剛離世的戲份時，她走到墓地前哭得死去活來，充份發揮演技，她說：「因為我未埋位前小朋友唔知點解喊唔出，直到我一埋位喊晒之後，小朋友聽到我喊得咁淒厲，突然全部一齊喺度喊。事後佢哋話被感染到所以都喊得咁厲害。」
來源 source: http://hk.on.cc
|
鍾意就快D Share啦！
|
|
|
