掃呢頁CODE去手機

2017年5月17日 星期三

淚崩!唐詩詠不忿被屈貪錢移情 __,唐詩詠,

唐詩詠強調跟盧啟邦只是普通朋友。唐詩詠晚上六點半左右,在女助手陪同下駕車離開將軍澳寓所,到了西環後,助手落車買了個麵包,再登車到了劇集拍攝地點。詩詠接 ...


唐詩詠強調跟盧啟邦只是普通朋友。

唐詩詠晚上六點半左右,在女助手陪同下駕車離開將軍澳寓所,到了西環後,助手落車買了個麵包,再登車到了劇集拍攝地點。詩詠接受訪問時,一度按耐不住情緒崩潰爆喊。

唐詩詠表示:「我只係喺一個生日聚會上見盧先生,張相係一個Annual Dinner入面佢搵我影嘅合照,喺嗰時我係完全唔識佢,佢只係一個普通朋友,喺我嘅感情生活入面係完全冇關嘅一個人,唔知點解有啲咁奇怪傳聞出咗嚟,我亦都無辦法去考究到,我都搵唔到點解。」說到此時她開始哽咽,她續說:「我好想講係,睇到篇報導,你哋會講好多,點解我會變咗一個貪錢既人,點解講到我好似畀人包咁呢。」說到這裏她已按耐不住狂哭,她冷靜一下後再續說:「我喺呢行都做咗十幾年,我一直都用我既行動話畀大家聽,究竟我係用一個咩嘅人生態度去生活。我好努力去工作只係希望大家可以睇我嘅作品去感動大家,我從來唔係一個貪錢既人,以前唔係,依家唔係,以後都唔係,喺我嘅世界愛情就係愛情,包括呢一樣嘢,我覺得你地講呢番傳聞對我好唔公平,係好傷害性,同埋唔好再喺我嘅感情世界入擺好多唔同既人入去。」

唔想影響馬國明

此時,她將話題談到馬國明,她說:「例如馬明(馬國明),佢係一個我好好嘅朋友,認識佢超過五年,唔知點解要不停將佢擺喺我感情世界入面,我一路處理呢傳聞會用咗一個覺得無所謂、講吓啫、講吓講吓就算,但原來講吓講吓,大家就會覺得嗰件事係真嘅,我又好想知道我做咗啲乜嘢,點解大家會成日會覺得我同佢會有嘢呢。(有冇試過搵盧生講番件事?)我唔想再講一個完全同我冇關係嘅人,唔想大家擺好多呢啲人喺我個世界入面,等如馬國明完全冇關係,唔知點解成日覺得佢會係,係我好好朋友,可能你哋影到啲相我哋好開心咁傾偈,但點解你哋覺得我哋係有嘢呢。我一直喺同佢Tony(洪永城)處理自己嘅感情事,都冇交待過分手原因同時間,因為我哋覺得分手係兩個人事唔需要同大家去講。呢段時間我覺得大家都係喺艱難嘅時間,大家係想靜靜地處理。希望係...我係覺得知道食得鹹魚抵得渴,明白嘅,預咗畀大家去講,我明白呢樣嘢,但唔想將我..我十年咁努力做嘢,我覺得。」

「大家都知我咩人」

此時她已泣不成聲,待會後她再說:「我突然間變咗另一個人好似好貪錢咁,我唔知道個傳聞影響得咁緊要去到咁誇張,我冇..我喺呢度覺得。」此時她按耐不住需要擰轉面拭淚,平靜後續說:「我去拍戲咁多年,大家知道我係咩人,我用行動去用行畀大家聽,喺呢方面我唔可以唔出聲,我要講番啲嘢。」


來源 source: http://hk.on.cc
鍾意就快D Share啦!