估索妻得罪癡漢 易拉架招客
吳佩孚帶老婆報警 撇清賣淫
玄學家吳佩孚的36歲索爆太太被惡搞，她的性感低胸相被製成易拉架擺在尖沙嘴街頭招徠，內容以大字「XX少婦」作標籤，由於連日收到多個嫖客電話，兩公婆昨日下午到將軍澳警署報案，吳佩孚強調沒欠債也沒感情糾紛，他扯火說：「賣淫都唔會通街擺自己樣出嚟，信嗰個都儍」
玄學家吳佩孚和老婆昨日到將軍澳警署報案，對於太太被誣衊賣淫，他強調沒欠債沒感情糾紛。
現年44歲的玄學家吳佩孚跟36歲索妻Miu Miu結婚13年，兩人育有一子一女，吳太不時在社交網分享性感靚相，昨日本報收到讀者張先生爆料，指在尖沙嘴街頭見到以吳太性感相提供性服務的「易拉架」廣告，懷疑吳佩孚夫婦被整蠱，內容更寫着「前任𡃁模，剛拿証來港……80蚊……24小時服務。」
本報昨日致電吳佩孚了解，他強調：「冇得罪人亦冇欠人錢，一睇就知惡搞，要老婆出去賣身還債唔會咁平呀！」他懷疑有人在老婆的fb偷相P圖製易拉架，更爆老婆近日被癡漢騷擾：「我老婆最近有好多癡漢、鹹濕佬喺fb撩佢，又講鹹濕嘢又send性器官圖片，我老婆冇回應冇搭嘴，一直封鎖佢，得罪呢啲人都未定。」
索爆人妻吳太的性感相被製成易拉架擺在尖沙嘴街頭招徠。讀者提供圖片
吳太不時在fb晒性感相，最近更被癡漢騷擾，狂發色情相。
狂收變態佬電話
對於老婆被指是前任𡃁模，吳佩孚激氣澄清：「已經好耐傳我太太以前係𡃁模，又話佢喺TVB做二、三線小花，又傳我太太做夜總會。我太太絕對冇做過𡃁模同藝人，老公係有名嘅人咪俾人玩囉，我點知得罪乜人。」由於易拉架公開了他的電話和睇相館地址，問到有否收到嫖客電話？他扯火說：「我都收到十個八個變態佬打嚟，問係咪有住家少婦，我話已經報咗警，唔好再打嚟。稍後我會同太太去報警，交畀警方處理。」
昨午4時許，吳佩孚夫婦現身將軍澳警署報案，問心情有否受影響？吳太說：「當然會啦，但唔知係乜人，呢排收到好多色情相。」對於被誣衊賣淫，吳太激氣表示：「一定會唔開心，朋友畀我睇，我都：『吓！唔係嘛！點解會咁！莫名其妙！』」她強調兩夫婦最近沒跟人爭執。
護妻的吳佩孚則表示：「我覺得需要報警，唔可以俾人誹謗，呢啲P圖係零成本，惟有希望警方做嘢啦。」問吳太有否想過轉fb賬戶？吳佩孚搶答：「我哋唔係擺色情相，係生活相，我哋唔會斬腳趾避沙蟲。」再問吳太會否擔心有更多私隱被揭露？吳佩孚又代答：「唔會，呢啲全部生安白造。」問到有否喊？吳佩孚再代答：「女性俾人咁詆毀，梗係有唔開心有喊，希望追查到始作俑者。」
曾在節目《恐怖在線》示範茅山神功「晒天針」的吳佩孚，被質疑是魔術。互聯網圖片
從事風水相學的吳佩孚，多年來是非不絕。資料圖片
「怪佢過份美麗」
問是否牽涉感情問題？吳佩孚強調：「絕對冇，朋友都知我哋好恩愛，去邊都一齊好似連體嬰，要包二奶都包唔到，我哋互相好信任，亦冇債務問題，有就嚟我度淋油啦，點會收得咁平呢，免費試做價，呢個世界邊有呢啲事，賣淫都唔會通街擺自己樣出嚟，信嗰個都儍」兩人報警後約於傍晚6時離去，吳佩孚表示警方到尖沙嘴巡邏沒發現有易拉架，指似乎是P圖惡搞，叫他們出入小心。問會否老婆太靚惹人妒忌？他笑說：「咁好難講，怪佢過份美麗。」吳太則否認有狂蜂浪蝶追求。
採訪：卓寶花
攝影：陳慧安
|
鍾意就快D Share啦！
|
|
|
