麥長青大談父女情。
藝人麥長青（麥包）與江美儀等出席活動時大展廚藝，三兩下手勢就在嘉賓面前完成一個愛心炒飯，原來他六歲便入廚，不過現時甚少下廚，平時多數由太太主理。麥包表示：「同太太拍拖前佢唔識煮廣東菜，拍拖後，佢知道我喜歡食廣東菜同飲湯，所以專登去學，依家太太廚藝相當好。」
麥包又透露太太與女兒麥淳琳都喜歡煮嘢食，愛女曾志願做廚師：「個女鍾意煮西餐，不過我比較喜歡食中菜，偶然太太同阿女都會一齊下廚，其實同小朋友一齊煮嘢食係好好嘅親子活動，大家有共同興趣，透過烹飪過程加深互相了解。」麥包一家有兩大「廚神」坐鎮，認真大飽口福，相信不少男士羨慕不已。
父親節將至，問可會慶祝活動？麥包甜絲絲的說：「年年都有少少嘢畀我，今年唔知會有乜安排。」問過往最難忘的父親節？麥包想了一想說：「總括每年父親節都係開心，不過最難忘一年，算係阿女小學嘅時候，仲記得當時係父親節前夕，我同阿女鬧大交，之後我有send訊息畀佢，同佢道歉，到父親節當日，佢好悔氣咁送了張父親節卡畀我，係她親手畫嘅，卡上面仲寫咗句話向我道歉，知道我為佢好先責備佢，呢張卡令我哋父女一起流淚，係最感動嘅父親節。」
來源 source: http://hk.on.cc
|
鍾意就快D Share啦！
|
|
|
