無綫新咪神朱智賢（Ashley）日前為中原電器拍攝新一輯廣告，分別以boxing、行山及潛水三個造型示人，其中一套是bra top配短褲，大騷事業線、纖腰及長腿。首次拍硬照廣告的Ashley事前特地為廣告keep fit：「拍攝前兩個星期即刻跑步同冇食甜嘢，食得清淡啲，戒得好辛苦，因為我好鍾意食嘢，所以呢兩個星期有啲唔開心，但都覺得值嘅。」問到可接受到這種性感程度？她表示：「好OK，係健康性感，覺得呢個路線都幾適合我。（性感底線去到邊？）最盡係三點式，應該唔會再過。」
買5百萬樓放租
講到今次廣告酬勞，Ashley笑言很滿意：「好好，接近6位數，多謝客戶揀咗我。（依家多工作豬籠入水？）比起之前係好咗好多，我個人好易滿足，依家咁已經好開心，當然愈多愈好。」她亦坦言想儲多些錢買樓，因這是從小到大的目標，希望先買樓用作放租：「冇話特定要買幾大，因為想買嚟放租，所以主要睇吓抵唔抵買、容唔容易租出去，會儲到好夠先敢買，唔想自己供得咁辛苦，所以放租就可以幫輕吓。（想幾時買到？）希望三年內買到，我要求唔係好高，唔一定要新樓，只要四正就OK，但依家儲得唔多，因為事業啱啱起步。（想買幾多錢嘅樓？）大約5百萬，上咗車先，但買樓真係好難，樓價好高。（唔買嚟同家人住？）租出去供樓冇咁辛苦，如果我真係搵到好多錢，當然都想買樓答謝佢哋。」她亦謂由小到大媽媽教落要慳錢，故平時都會搭公共交通工具及少購物。
同謝東閔啱傾
感情方面，講到與謝東閔屢傳拍拖，問兩人可是發展中？Ashley甜笑謂：「唔係，我哋係好好朋友，咁啱大家鍾意狗，多咗話題傾吓動物。（有發展機會？）世界上好多嘢都有可能，我唔會所有嘢都話冇可能，今日唔知聽日事，但暫時都係工作為主。（佢追你你接唔接受？）佢追我先算啦。（佢追你就受？）唔係㗎，要考慮㗎，阿爸阿媽成日叫我唔好咁心急，叫我慢慢揀。（你依家30歲係時候結婚？）冇諗，暫時都係做嘢，我阿哥生咗BB，佢哋有孫抱，所以我冇乜壓力。」
|
鍾意就快D Share啦！
|
|
|
