吳綺莉囡囡卓林早前入院，一度傳佢唔肯見媽咪，月初佢終於跟吳綺莉返咗大埔汀角路舊居執嘢。出院後嘅卓林心情唔錯，又同網紅密友A小姐遊船河。（新聞連結： http://bit.ly/2sw5uIG ）吳綺莉今日穿露肩清爽造型，喺中環為一個三亞旅遊記招擔任嘉賓，又獲當地機構邀請去旅遊。吳綺莉本身對坐飛機有恐懼，得知可以坐高鐵再轉乘船前往後，立即話要組團同親友去玩。講番坐飛機恐懼症，佢話:「囡囡都末出世，當時足足一年，晚晚發夢唔同飛機墜機畫面，自此就驚，成20年，睇過心理醫生都冇用。」多年來因工作要坐飛機前，吳綺莉話都會交待遺言，上機後就捉實張凳嘅扶手，試過有次獨自坐商務客艙，由於無其他乘客，只得一位空少，佢就要求空少坐喺身旁求安心。多年來只曾一次同囡囡去峇里旅行，吳綺莉都有啲慚愧，問到會否外遊散心？佢話：「都要，不過囡囡要定時覆診食藥，等遲啲先。」佢好感激好友邱淑貞贊助衫，仲搵專人配搭襯埋，近日開始投入工作多啲露面，令心情放鬆。
| （左圖攝影：攝影：馬建華） | | |
| | |
來源 source: http://s.nextmedia.com
|
鍾意就快D Share啦！
|
|
|
