林超賢（左上圖中）透露拍攝咗一場出動咗5隻戰艦護航嘅重頭戲。
由英皇電影及博納電影聯合投資，製作費約5億人民幣（約5.82億港元）大片《紅海行動》早前完成摩洛哥外景戲份後，近日「轉戰」內地湛江繼續拍攝。台前幕後包括演員張涵予、張譯、杜江、霍思燕，聯同英皇主席楊受成及博納董事長于冬等，於當地舉行電影大型發布會，場面熱鬧。
對於這部投資5億人民幣的大片即將煞科，身為老闆的楊受成坦言：「呢部係首部全景展現中國現代化海軍電影，今日仲邀請到海軍政治部及海軍陸戰隊隊員來臨，絕對係製作隊嘅榮幸。林導（林超賢）嘅專業不容置疑，我相信佢一定可以拍出緊張刺激嘅場面，帶畀觀眾不一樣嘅感受。」
出動5隻戰艦護航
林導接受東網電話訪問時談到《紅》片的重頭戲，即透露拍攝了一場出動5隻戰艦護航，及600名海軍陸戰隊參與演出的戲份，他謂：「嗰日我哋同時以海、陸、空角度去拍攝，單單戰艦駛出南海都花上5小時，點知嗰日湛江遇上大雷雨影響咗少少進度，日內相信要補拍啲鏡頭。」今次團隊可進入內地軍事重地進行拍攝，同時見識到戰艦日常繁忙的調配及行動，令林導大感新鮮。
拍摩洛哥外景最辛苦
談到摩洛哥外景部份，林導慨嘆：「拍咗咁多年戲都未試過咁辛苦，我哋去咗一個十分落後嘅地方、拍咗成兩個月，總之冇啖好食、天氣超過40度、成日沙塵暴。我同啲演員住咗喺間最好嘅酒店，但連餐廳都冇，個個畀嘢咬到周身都係，其中女演員海青被咬到面腫，好彩戲服有面紗同頭巾，加埋化妝搭夠先勉強開到工，我自己就試過翻車整傷頭同手，拍拍吓情緒好低落，覺得自己好似被充軍一樣！不得不讚係台前幕後都好齊心，大家一句怨言都冇。」
來源 source: http://hk.on.cc
|
鍾意就快D Share啦！
|
|
|
