掃呢頁CODE去手機

2017年7月10日 星期一

【「部戲關你X事咩?」】當年嫌面腫阻拍《風雲》 黃秋生爆粗插王晶係屎X鬼 __,秋生,王晶,黃秋生,

「我X你啦王老吉(某七人花名)!」現年55歲嘅黃秋生老馬有火,前晚喺facebook揞名狂插「王老吉」,連珠炮發爆粗勁鬧:「你老X係你話我病成咁叫人唔 ...


「我X你啦王老吉(某七人花名)!」現年55歲嘅黃秋生老馬有火,前晚喺facebook揞名狂插「王老吉」,連珠炮發爆粗勁鬧:「你老X係你話我病成咁叫人唔好用我,係文雋同劉強話唔好咋。屎X鬼!部戲關你X事咩?嘉禾嘅,你㗎?仲有,乜原來啲頭髮同長鬚係你加嘅咩?原著漫畫你畫㗎?X碌!真係唔怕面懵。」火氣十足嘅秋生用99個字發洩怒火,有網民追問發生乜事?秋生留言回覆,終於開名鬧爆:「睇到段王晶講嘅嘢,講到自己幾大仁大義。人哋嘅功勞當自己嘅。」網民紛紛力撐秋生,留言幫手插埋一份:「王晶個X街,係咁啦。」、「大飛哥,你都無謂得罪王老吉因住冇飯開,要咬老本吖~~」經《蘋果》了解後,秋生喺fb所講嘅電影,就係喺98年接拍嘉禾電影《風雲:雄霸天下》扮演「劍聖」,呢部戲嘅導演係劉偉強,監製同編劇係文雋。《蘋果》致電問秋生「王老吉」係咪王晶?事隔一晚秋生收咗啲啲火:「我又冇指名道姓,只係講吓花名咁樣,自己喺度發吓爛渣發吓脾氣,因為見到段嘢,亦都無謂亦唔想引起紛爭,費事開名。」問到呢單嘢係咪90年代拍《風雲》舊事?秋生坦言:「應該係,噚晚(前晚)有朋友send咗段嘢畀我,你知夜麻麻睇到,黑又變成白,白又變成黑,跟住功勞自己領,但其實唔關佢事,而且我聽聞當日係佢叫人唔好用我。」秋生忍唔住翻舊帳,暗寸王晶:「吓,你叫人唔好用我!就算我唔敢肯定佢有冇叫人用唔用,但我起碼肯定唔係佢叫人用,仲有話個造型,人哋根本原裝漫畫係咁,佢真係當人哋馬榮成死㗎!話係佢自己諗喎,搵啲長頭髮同啲鬚冚咗個樣,邊有人講嘢講到咁衰格啫,所以火滾寫段嘢。」秋生續道:「但今朝諗吓諗吓,都係費事辣火頭,所以搵啲飲飲食食嘅嘢cover咗佢就算。你知啦,人有正常反應,尤其是對某人嘅反感。」問到當年王晶話唔用你,但劉偉強同文雋就堅持?秋生抵死話:「阿某人啦,用某人,王老吉,因為以前我嘅助理同電影人好熟,佢同我講,某人話我腫成咁唔好用我,但劉偉強堅持話唔好,如果人哋病成咁唔用就唔係幾好,雖然戲份唔多,但對我都係一個好大鼓勵,所以咁多年嚟我對好朋友心存感激。」幾乎被人打爛飯碗,秋生越講越火滾:「雖然係舊嘢,但舊唔舊都好,睇到佢講段咁嘅說話,人生凡走過必留痕跡,你講過嘅嘢有底,讚過學民思潮你唔記得啫,人哋有寫低有紀錄。」問到兩人仲有冇來往?秋生諷刺表示:「點會有來往,我都冇乜熱氣,唔使飲王老吉,借用啫,同涼茶王老吉冇關係,王老吉好好飲,香港名牌嚟。」

黃秋生98年接拍嘉禾電影《風雲:雄霸天下》扮演「劍聖」(互聯網圖片) 左起:劉偉強、王晶、文雋(資料圖片)
有網民追問發生乜事?秋生留言回覆,終於開名鬧爆:睇到段王晶講嘅嘢,講到自己幾大仁大義。(資料圖片) (黃秋生facebook圖片) (黃秋生facebook圖片)

來源 source: http://s.nextmedia.com
鍾意就快D Share啦!