香港小姐嘅三甲，唔使講一定係美貌與智慧並重，但其實第四名都有好多高手喺入面，最令人熟識嘅一定係紅姑鍾楚紅，紅姑又靚又有智慧，到咗今日已經57歲，但都一樣保持到個靚樣，o依家諗番轉，紅姑攞第一都唔係問題，不過除咗紅姑之外，仲有啲第四名嘅港姐，都一樣係超晒班。
繆騫人
出名有氣質嘅繆騫人76年參選時得梗頸四，冠軍是林良蕙。當年繆騫人喺《網中人》入面，只係拍咗八集新神秘辭演，搞到劇組大亂，要扭橋填補繆騫人的枝節。如果當年繆騫人冇辭演的話，可能今日會有高知名度。
趙雅芝
趙雅芝喺73年參加無綫嘅第一屆香港小姐，當年佢輸咗畀孫泳恩、容朱迪、劉慧德，攞咗第四名，但之後喺70、80年代成四大花旦之一，代表作《上海灘》紅足幾十年。
劉溫馨
劉溫馨係13年嘅落選港姐，當時仲有「飛釘千雪」之稱，不過就輸咗畀陳凱琳、 蔡思貝、劉佩玥，雖然得第四，但之後都有閒時拍劇，加上佢成日update IG，大晒33C身材，慢慢都多咗人識。
郭可盈
93年參選港姐，攞咗最受傳播媒介歡迎獎同最具演藝潛質獎，但就輸咗畀莫可欣、林麗薇、余少寶，但的確係最具演藝潛質，因為郭可盈比三甲港姐喺圈中耐好多，後來仲嫁咗畀林文龍，仲生咗個囡囡。
來源 source: http://hk.apple.nextmedia.com
|
鍾意就快D Share啦！
|
|
|
