2017年9月4日 星期一

【港姐決賽】「你玩晒啦嘟姐!」網民遷怒評審鄭裕玲:明明1號好過5號 __,鄭裕玲,港姐,

今晚嘅港姐總決賽,冠軍由5號雷莊𠒇摘冠,憑「校長」鄭裕玲決定性嘅最後一票,投俾佢,仲係一投投兩票俾佢。何解?因為方才投票選冠亞之時,1號何依婷有4票, ...


今晚嘅港姐總決賽,冠軍由5號雷莊𠒇摘冠,憑「校長」鄭裕玲決定性嘅最後一票,投俾佢,仲係一投投兩票俾佢。何解?因為方才投票選冠亞之時,1號何依婷有4票,5號雷莊𠒇就有3票,嘟姐投俾雷莊𠒇,咁結果即係打成平手,最後嘟姐投決定性一票:票投雷莊𠒇。

賽後嘟姐受訪時都有解釋番,最後嗰票點解俾雷莊𠒇,佢話其實1號同5號成晚表現都好好,「但我覺得5號由佢唱歌,由佢著衫、泳裝,全晚嘅表現都對自己特別有信心,所以最後決定性嗰一票投咗俾佢。當然1號表現都非常好。頭先我同佢講嗰票俾咗佢(5號),佢都好開心,拎亞軍都好開心。」又話:「今晚Juliette係冠軍,但未來發展呢,大家唔知道嘅。」

呢個咁戲劇性嘅賽果,未必都係嘟姐原意,但嘟姐似乎就受晒…

不少網民去咗嘟姐個ig留言,而且部份頗不客氣…

「你玩晒啦嘟姐,明明1號好過5號!」

「嘟姐,我對今年賽際非常失望。最後評審即時投,咁之前每個環節,佳麗評分有咩用?而今年冇得加入全民評分,更加係大倒退!」

「今晚你是《盲侠》女主角非你莫屬!!」

「咁兒戲就定冠軍?玩晒」

「選美活動竟然選個最醜嘅包攬冠軍同最上鏡,而最靚嘅8號同3號乜獎都冇。」

「Do姐選舉,超級兒戲,你話邊個就邊個,唔公平囉!」

「新一屆無綫內部小姐」

「真係好無眼光!明明1號嘅支持高好多,根本唔應該只俾你去選擇! Bad bad bad bad taste!下年咪出嚟投」

「有冇咁兒戲,小學選班獎都認真啲 !」

「嘟姐小姐。不是香港小姐。」

唉…


鍾意就快D Share啦!