2017年9月18日 星期一

【恭喜晒】大仔「堅挺」成家立室 62歲朱咪咪榮升新奶奶 __,朱咪咪,

朱咪咪今年2月喺紅館舉行《利利是是演唱會2017》時,就已經預告咗大仔馬健庭會喺今年年尾結婚,當時咪咪姐仲話10月先喺新加坡註冊,11月先分別返大馬同 ...


朱咪咪今年2月喺紅館舉行《利利是是演唱會2017》時,就已經預告咗大仔馬健庭會喺今年年尾結婚,當時咪咪姐仲話10月先喺新加坡註冊,11月先分別返大馬同香港擺酒(新聞連結:http://bit.ly/2xrkt9g )。但原來噚晚健庭同女友Jeanette已經噚晚結咗婚喇!真係恭喜晒咪咪姐!

今朝凌晨3點幾,咪咪姐嘅官方微博上載咗幾張大仔健庭嘅結婚相,仲留言話:「馬生&咪咪姐榮升新老爺、新奶奶之喜,看着他囝囝(堅挺)長大,現在成家立室了,真替他們高興,恭祝一對新人百年好合永結同心。三年抱兩,滿堂吉慶席間還遇到好多老友添,這個不一様的新奶奶,職業病無計喇,好攪,自己做埋司儀添!」

一向圈中人緣甚好嘅咪咪姐,到賀嘅圈中人當然唔少啦,包括姜皓文、譚炳文、黃一山(細龜)、王俊棠、李家仁醫生、尹揚明、方伊琪、喬寶寶等等,真係好熱鬧!

《蘋果》今日聯絡過新奶奶咪咪姐,可惜佢電話未有人接聽喎,之後聯絡到咪咪姐老公馬生,佢話咪咪姐揸緊車唔方便傾電話:「佢(朱咪咪)o依家車緊襯家同阿仔佢哋返新加坡,佢哋都係住新加坡,今次專登返嚟擺酒。」問到馬生同咪咪姐第一次飲新抱茶心情興唔興奮,馬生話:「好開心。」馬生話噚晚喺黃埔博藝會擺酒,問佢送咗啲乜嘢俾個仔同新抱時,馬生話:「你問我老婆啦。」 原來大仔同老婆及外父外母都係住新加坡,咪咪姐呢個新任奶奶娶完新抱第日重做埋司機車一對新人同襯家去機場,真係唔話得。



朱咪咪嘅大仔馬健庭噚日結婚。(微博圖片) 咪咪姐榮升做新奶奶。(微博圖片) 唔少圈中藝人到有出席婚宴。(微博圖片)
黑仔姜皓文(右)(微博圖片) 細龜(左二)同炳哥(微博圖片) 尹揚明(後排中間)、黑妹(前右二)、喬寶寶(前右一)(微博圖片)
王俊棠(右)、李家仁醫生、同炳哥(微博圖片) 年頭演唱會時,咪咪姐兩個囝囝都有做嘉賓。(資料圖片) (資料圖片)

鍾意就快D Share啦!