掃呢頁CODE去手機

2017年9月30日 星期六

【曾傳向友人呻被迫結婚】異性緣旺 王浩信被爆與人夫組「三劍俠」獵食? __,王浩信,

上位小生王浩信同陳自瑤(YoYo)喺11年奉女成婚,但這段關係,一直傳聞不絕。婚期之前,王浩信被周刊爆料,指他偷偷帶咗同陳冠希一啜成名嘅Cammi返屋 ...


上位小生王浩信同陳自瑤(YoYo)喺11年奉女成婚,但這段關係,一直傳聞不絕。

婚期之前,王浩信被周刊爆料,指他偷偷帶咗同陳冠希一啜成名嘅Cammi返屋企短聚、俾YoYo撞破兼趕走,本來YoYo一度想分手,點知發現自己有咗。有指王浩信誓神劈願唔會再犯,YoYo願意原諒,如期結婚。(新聞連結:http://bit.ly/2kaDPdN)

雖然做咗人夫,不過王浩信仍然有唔少緋聞,嗰陣有傳佢曾經同朋友呻,話當日因為YoYo有咗先被迫結婚,因為仲未定性,搞到兩公婆經常陷入冷戰。

2015年,王浩信同黃心穎拍《東坡家事》期間,有傳兩人表現親暱,總之有男嘅地方,自然會見到女嘅蹤影,因而傳出婚變,但YoYo受訪時仍堅稱信任老公,關係未變。(新聞連結: http://bit.ly/1uUqXaY )

不過緋聞似乎未有因為YoYo投信任票而停止,本報之前就收到消息,指《踩過界》一劇早已拍完,不過王浩信仍主動約蔡思貝食飯聚舊,有知情人人士爆料話佢哋同拍劇臨近尾聲,喺一次劇組聚會,大家散得七七八八嘅時候,前後腳去咗隔籬VIP房,10幾分鐘先行返出嚟,其間仲冇人應過門。(新聞連結:http://bit.ly/2yyRs9c )

查實佢哋合作拍《踩過界》嘅時候,《蘋果》曾經目睹過佢哋同場零交流,男嘅只係掛住玩電話,女嘅就其他人傾偈。如果傳聞係真,佢哋嘅保密功夫真係做到好足!(新聞連結: http://bit.ly/2hF3aeX )

亦有知情人士透露,王浩信表面上好似洗心革面做好老公兼好爹哋,查實私底下仍然喜愛夜蒲,經常同幾個人夫一齊行事,其中有兩人仲係「鐵腳」,號稱「三劍俠」,據知有人夫仲係電視台員工嘅另一半,而且呢啲已經係公開嘅秘密,睇吓幾時爆煲。

O依家王浩信叫做上緊位,但桃色事件傳之不絕,亦難免被翻舊帳,包括稱他與陳法拉喺美國讀書時曾經拍拖,只不過因為王浩信提早返港,因而分手。

《蘋果》收到消息指王浩信同Yoyo已經兩人分居,但女方因為欠冇獨立經濟能力,搞到呢件事一直膠著。今午兩點王浩信將現身謂一次過交代,未知會否攜妻出動闢謠?

此外,蔡思貝噚日向傳媒承認曾與王浩信單獨打邊爐後,心情似乎就冇乜影響,噚晚佢就喺ig度上載咗一段短片,見到佢心情大靚,咁介紹緊佢同洪永城、黃翠如同Bob去咗泰國拍攝旅遊特輯,仲話自己細細個就睇洪永城㖭!

王浩信同YoYo嘅婚姻究竟係會點呢?(資料圖片) 當有佢哋結婚時,真係好sweet㗎!(資料圖片) 但亦有指王浩信係被迫結婚。(資料圖片)
(資料圖片) 當年奉女成婚。(資料圖片) 王浩信同李佳芯(資料圖片)
蔡思貝承認曾單獨同王浩信打邊爐。(資料圖片) 蔡思貝目前正與洪永城等人去咗泰國拍旅遊節目。(ig截圖) (ig截圖)

鍾意就快D Share啦!